Un total de 1343 obras de arte forman parte da Colección Novagalicia Banco segundo a listaxe da Xunta, que publica hoxe no DOG o inicio de expediente para a súa declaración de Ben de Interese Cultural.
Con “Sueños del Gatipedro”, unha liña de produtos para público novo que se presenta con dous títulos en parcería con Fol Música e a colección “Mar maior” con obra de autores como Eduardo Blanco Amor ou Álvaro Cunqueiro, a editorial Galaxia entra no mercado en español.
Rush é o relato do confronto deportivo entre os míticos pilotos de F-1 Niki Lauda e James Hunt.
A livraria Orfeu de Bruxelas acolhe este sábado dia 28 de Setembro a apresentação do livro colectivo “O Crânio de Castelao”. O coordenador Carlos Quiroga mais o escritor Xavier Queipo são os encarregados de apresentar a obra.
Será a feira da “corresponsabilidade” e, por iso, a organización de Culturgal está a promover a participación das entidades e particulares nas tres convocatorias que teñen abertas, a de actividades, stands e a tenda da feira. A edición presentará como novidade unha entrada voluntaria para o público.
Os días 3 e 4 de outubro estrearanse dúas obras para público infantil de Roberto Vidal Bolaño. Serán na mesma rúa do centro histórico de Compostela mais en teatros diferentes. Cachirulo ofrece a montaxe de “Romance dos figos de ouro” no Teatro Principal e ao día seguinte o CDG en coprodución con Teatro de Noroeste levará á escena “Touporroutou da lúa e o sol”.
A noite do sábado un concerto estrela inaugurará o Outono Códax Festival en Compostela. A presenza da diva Barbara Lynn, historia viva e vibrante do blues, traerá á capital galega a estela das grandes figuras do blues.
A Asociación Internacional de Estudos Galegos (AIEG) celebrará a XI edición do seu congreso en Bos Aires os días 6,7 e 8 de abril de 2015.
Á desaparición de “Alalá” súmase o eliminación da grella de “Eirado”, “Heiche cantar, queridiña” e “No bico un cantar”. A TVG reduce a súa programación cultural, desatendendo a propia lei de creación que contemplaba como un dos seus obxectivos favorecer a “difusión cultural, intelectual e artística”.
En calquera lugar e a calquera distancia. O Taller Atlántico Contemporáneo ofrece un ciclo de concertos virtuais que se desenvolven en Compostela ao vivo e se retransmiten, en streaming, a calquera espazo público do país. A música soa en todos os lugares ao tempo e o concerto ten varios públicos simultaneamente. Cadaquén na súa butaca, en concellos diferentes.
Em Lisboa, aos 88 anos, morreu António Ramos Rosa, um dos grandes escritores das letras portuguesas com uma ampla obra de poesia e ensaio que fecha o livro Em torno do Imponderável do passado ano. Deixou pegada nas letras galegas, em especial no fascínio que por ele sentia o poeta Eusébio Lorenzo Baleirón.
A literatura non só é escrita e, así, co fin de recoñecer e valorar a riqueza da oralidade, a Escola de Escritoræs da AELG ofrece en Lugo un Obradoiro de Narración Oral coordinado por Antonio Reigosa e Isidro Novo que bota a andar esta terza feira día 24 de setembro.
Trinta espectáculos, medio cento de actividades, un mes de programación e un cento de artistas son os principais números do Festival Internacional Outono de Teatro que do 3 de outubro ao 3 de novembro converterá a Carballo no escaparate das principais novidades escénicas da tempada.
Toda a paixón e o compromiso social e patriótico de Rosalía deitado en música. Esa é a proposta de Tempo Catro, que apresentou o seu traballo "Os Ollos que falan" esta sexta feira no Teatro Jofre, en Ferrol.
Brad Pitt: protagonismo absoluto. Máis unha fábula apocalíptica de Hollywood, un Hollywood máis zombie do que nunca. World War Z (2013). Unha crítica de Andrés Castro.
Máis dun cento de persoas asistiron ao lanzamento do último libro publicado por Teresa Moure. Acompañada pola editora ATravés e o poeta Rafa Vilar, a escritora non dubidou en recitar algunhas das poesías que compoñen a súa obra máis desobediente.
Do indie ao soul, do hip-hop á clásica, do jazz á tradicional, da música de verbena ao metal. Ningún estilo queda á marxe das trece categorías dos Premios Galegos da Música Martín Códax que promove a Asociación de Músicos ao Vivo. Os galardóns entregaranse nunha gala o día 13 de decembro.
Voces que a coñeceron, imaxes do seu arquivo, fragmentos da súa obra e unha viaxe a través da súa biografía son os elementos cos que se constrúe o documental “Luísa Villalta. Paixón e compromiso”. O que o fai singular é que está elaborado polo alumnado do centro no que a escritora e música deu clase antes de morrer.
Pois é, sushi tamén para ler. Con dous títulos nas librarías a próxima semana nace Sushi Books, o selo para a literatura infantil e xuvenil que lanza Rinoceronte Editora. Dous libros, tres coleccións e tradución dalgúns dos seus títulos ao castelán, catalán e éuscaro son as novidades que anuncia.
Os días 5 e 6 de outubro a Feira Ecolóxica de Arzúa celebra a súa décima edición consolidada como o maior encontro do sector dos que se desenvolven no país. Produtos naturais, terapia alternativas e producións locais danse cita neste evento que ten o prazo de inscrición aberto ate esta sexta feira día 20 de setembro.
