Coa monumental Estilística da lingua galega (Edicións Xerais), o profesor Xosé Ramón Freixeiro Mato elabora unha ferramenta única que ofrece, ordanados e sistematizados, os valores expresivos do galego,a súa riqueza para a construción literaria.
Un artigo do escritor Francisco Castro publicado na sección de opinión de Sermos Galiza foi motivo do exame de Selectividade na convocatoria de setembro na materia de Lingua e Literatura galega.
“Os ollos que falan” é o título do disco que o sexteto Tempo Catro presenta este día 20 de setembro ás 20.30 no Teatro Jofre de Ferrol nun concerto organizado pola Asociación Cultural Medulio. O novo traballo de Tempo Catro, proposta da Asociación Socio-Pedagóxica Galega, musica once cantares de Rosalía de Castro.
“O derradeiro libro de Emma Olsen” é o título da novela coa que a escritora Berta Dávila faise gañadora do Repsol de Novela Breve. Trátase dun relato arredor da experiencia da vida e a literatura no que Dávila narra a historia dunha escritora que regresa a súa vila natal coa morte próxima por unha enfermidade terminal.
Os 2.900.000 do pasado ano quedan en 1.100.000 nesta convocatoria da AGADIC para o sector audiovisual. No teatro, produción, distribución e salas privadas reducen axudas públicas de 1.290.000 a 930.000. A AGADIC mete tesoira a fondo nas axudas públicas para as industrias culturais.
A estrea do documental “Andei todos os camiños” de Anxa González, a voz de Pilocha e María Manuela e a maxia de Martín Camiña comporán a quinta edición do espectáculo “Lúas de Outono” que terá lugar o próximo día 19 na Coruña, para revivir a palabra e homenaxear ao escritor que faleceu hai nove anos na cidade.
Atesourou pezas da cultura tradicional e con elas montou dous museos, dos que só queda aberto o etnográfico de Vigo. O etnógrafo Olimpio Liste morreu á idade de 81 anos mais o seu nome perdura no museo etnográfico de Vigo.
Para darlle unha volta á actualidade en clave de humor crítico, Chévere presenta “Relaxing Ultranoite”, en Teo os días 21, 27 e 28 e na Coruña o 4 e 5 de outubro. Con Annie Bottle encargada da promoción.
Este sábado 14 de setembro, Pegerto Saavedra lerá en Compostela o seu discurso de ingreso na Real Academia Galega. O próximo 22 de novembro será a escritora Fina Casalderrey a que formalice a súa entrada na institución con sede en Tabernas, desta volta, na cidade de Pontevedra. Serán as primeiras incorporacións que Xesús Alonso Montero reciba como presidente da RAG.
A escola da música subterránea comeza curso en Compostela o 13 de setembro con concerto de Unicornibot + Camarada Nimoy (Zona C, 21h). Cartel idóneo para achegarse a unha nova escena musical galega da que foron percibidas as sementes un par de anos atrás e que agora agroma sen pedir licencia.
É o home preferido pola cervexeira catalá Damm, que apoiada por Luxempart e Iberfomento, logrou o apoio de case o 71% dos accionistas da pesqueira. Urgoiti foi ex-presidente do Banco Gallego, conselleiro independente de Inditex e tamén presidiu a Fundación Cidade da Cultura
Para bebés. Ese é o público do Festival das Nubes, “Núbebes”, que a fins de mes pon a andar o Concello de Pontevedra, coordinado por Andrea Bayer. Música,a teatro e obradoiros para crianzas nun festival feito a súa medida.
Após a recente inauguración da ampliación do Museo de Pontevedra, a asociación Amig@s da Cultura veñen de facer pública a súa denuncia polo trato que recibe a obra e a figura de Castelao, ao seu ver, cativo e manipulado.
A creadora Paula Carballeira participa no Festival Mindelact de Cabo Verde, o Festival Internacional de Teatro do Mindelo que se desenvolve do 5 ao 14 de setembro. Carballeira forma parte do Ciclo Internacional de Contadores de História co espectáculo “Contos para acabar com os medos”.
Un escritor e un ilustrador, os dous nomes relevantes na edición infantil, botan a andar xuntos un novo proxecto, “O neno amarelo”, unha escola de ilustración na que a palabra e a ilustración, a técnica e a teoría, se dan a man.
O investigador da obra e a figura de Rosalía de Castro, Francisco Rodríguez, ofrécenos no artigo que hoxe publica Sermos Galiza unha análise do comportamento lingüístico de Rosalía de Castro no que defende que a autora “rachou coa diglosia cualitativa no terreo da arte, da literatura, da cultura”.
Centos de persoas, o auditorio repleto, a eira convertida en espazo de encontro, a casa aberta para tantas amizades. A memoria de Manuel María estivo presente na xornada de inauguración da súa Casa Museo, na casa natal de Outeiro de Rei convertida en centro da cultura para todo o país.
Durante todo o día, Outeiro de Rei será o centro da cultura na xornada de inauguración da Casa Museo Manuel María. Música e literatura da man nun programa que se prolongará durante todo o sábado no que se abrirá ao público a casa natal do escritor, un novo centro cultural para o país.
Logan/Lobeto (Hugh Jackman) vive coma un ermitán no medio dos bosques canadenses atormentado tras a morte de Jean Grey (Famke Janssen). É localizado e levado a Xapón para despedir a un vello amigo moribundo que quere decirlle unhas palabras antes de morrer. Alí vólvese por primeira vez vulnerable ás feridas de bala e do letal aceiro samurai, o cal lle fai ser moito máis perigoso que antes.
O bando municipal manda “celebrar festas de confraternidade con acompañamento de músicos e outros divertimentos” e a veciñanza de Pontevedra e milleiros de visitantes responden. A Feira Franca volve á cidade ao Medievo os días 6 e 7 de setembro.
