Cun intenso programa no que se ofrece a máis relevante oferta da cultura galega no verán coruñés, a Feira do Libro inaugurouse nesta quinta feira cun acto institucional no que o alcalde da cidade fixo a súa intervención en español. A Banda Municipal da Coruña pechou o acto co himno español.
Do torreiro da aldea ao macro-festival urbano. Neste pequeno país sabemos ben como armar a festa. Para dar, tomar e mesmo regalar. Música, encontro, talento, emoción. Os complexos? Mandámolos a por tabaco, e que non volvan
Arte orixinal con viños de autor. Así é a nova proposta de Vide, Vide, o novo espazo enocultural de Compostela que abre este sábado 3 de agosto a súa primeira Feira de Arte. O Grupo de Música Antiga 1500 actuará na inauguración.
Após 34 anos ininterrompidos de compromiso coa música tradicional e as súas profesións, todos os ollos volven pousarse sobre Pardiñas. A Feira e Festa da Música e Arte regresa co seu espírito orixinario intacto, froito da acción colectiva e da transmisión xeracional arraigada na asociación Xermolos. Distintas figuras da cultura galega e foránea achegaranse entre o 2 e o 4 de agosto ao concello de Guitiriz para arroupar unha programación tan variada como suxestiva.
Como era de agardar, o Festival de Pardiñas que terá lugar 2,3,4 de agosto festexará ao “festivaleiro” de honra que foi Díaz Castro. O encontro de arte e música que desde hai trinta e catro anos organiza a Asociación Xermolos tiña que “proclamar aos catro ventos” o Ano Díaz Castro. Homenaxearase tamén a Xosé Seivane.
A biografía de Roberto Vidal Bolaño transcorre arredor de Compostela e, polos espazos que marcaron a súa traxectoria dirixirase hoxe día 31 de xullo unha comitiva conducida por Roi Vidal e Paco Macías. O “Roteiro Vivo Bolanhês” é iniciativa da Gentalha do Pichel.
Na lingua que eu falo é o disco-libro no que Najla Shami pon voz aos poemas de Rosalía de Castro. Preséntase na Feira do Libro da Coruña.
Linho do Cuco, Taghatai, grupo de música e danza A.C. Traspés, os gaiteiros Anxo Lorenzo, Edelmiro Fernández e Pablo Seoane Méndez mais a Banda de Gaitas de Forcarei compoñen a representación galega no Festival Interceltique de Lorient que terá lugar do 2 ao 11 de outono.
Cada semana arredor de 50 grupos ensaian no Local de Música de Pontevedra, un espazo público da Concellería de Xuventude creado para promocionar a música local. As prazas da Verdura e Teucro serán escenarios ata o día 2 do festival 15bolos, un programa para que se vexa a potencia da música emerxente na cidade.
A “Verbena Galega” chega ao Festixeve o 2 de agosto con Pandeiromus, A Tuna Rastafari, Nonito Mondosonoro e Isabel Risco e moito máis no Campo do Vilar. É a nova data atopada despois de adiarse a causa da traxedia de Angrois.
Virgil Oldman (Geoffrey Rush) é un excéntrico e solitario axente de puxas moi valorado pola súa capacidade de recoñecer a veracidade dunha obra. A súa vida mantense ao marxe de calquera sentimento afectivo ata que coñece a unha fermosa rapaza (Sylvia Hoeks) cunha extraña enfermidade que lle encarga vender as obras de arte herdadas dos seus pais. A partires dese intre a vida de Virgil vaise transformar para sempre.
“O Sorriso de Daniel” regresa este sábado 27 e domingo 28 a de San Paio de Abeleda, en Castrocaldelas, e pide mans para contribuír a volver á vida o único mosteiro da Ribeira Sacra que continúa abandonado e non se pode visitar.
Con sesenta anos e unha longa traxectoria na arte na que se iniciou nos anos setenta, o pintor Xaime Cabanas morreu na Coruña, a cidade que foi escenario de boa parte da súa irreverencia artística e vital, desde a Galga até o GrupOrzán, no máis xenuino espíritu bravú. O seu é un dos nomes iniciais de Atlántica.
“Porcocan”, o último disco de Esquíos, pódese descargar de balde na súa páxina web. É a homenaxe da banda ao seu vocalista, falecido hai un mes.
“Percepción Espacial e Cromática na Cultura Musulmá” é o proxecto artístico que Mónica Alonso iniciará no Cairo, como parte do proxecto que está a realizar a nivel mundial “Percepción Espacial e Cromática no ser humano”.
Arredor de cen actividades relacionadas coa lectura e case corenta postos de librarías e editoriais son os datos da Feira do Libro da Coruña que abre as súas casetas nos Xardíns de Méndez Núñez o próximo día 1 de agosto.
Unha ducia de dornas remontarán as augas ata Padrón en homenaxe a Rosalía polos ríos que evoca na súa poesía. A Fundación Rosalía e a A.C. Dorna de Arousa bótanse á auga este mércores 24 de xullo.
Quando o romance O Crânio de Castelao se achega à sua fim na publicação por entregas no semanário Sermos Galiza, a editora Através tira do prelo a história coletiva da lusofonia em formato livro que se apresentará esta terça feira em Bonaval com a presença de vários dos autores.
La troba kung-fu, Sacha na Horta, A compañía do ruído, Familia Caamagno, Oito nun piso, Chotokoeu ou La gran orquesta republicana. Son algúns dos nomes musicais que aparecen no cartaz deste ano do festival Antrospinos, que se celebra en Taragoña (Rianxo) os vindeiros 26 e 27 deste mes
Tres pezas musicais para distintas escenas do libro compoñen a banda sonora de Os fillos do mar. Os creadores son antigos compañeiros de Pedro Feijóo, autor da novela, no grupo Lamatumbá.
