A páxina da Asociación de Actores e Actrices de Galiza ábrese cun grande lazo negro. Nada máis que dicir. A morte do actor Xosé M. Olveira, “Pico”, conmocionou o mundo das artes escénicas e as mostras de dor sucedéronse desde que se coñeceu a noticia.
Nome esencial do teatro, o cine e a televisión galega, Xosé Manuel Olveira, Pico, faleceu esta qunta feira 13 de Xuño despois dunha longa enfermidade. O filme "Somos xente honrada", recén estreado, pecha a súa exitosa traxectoria artística.
“Ser divertidos e de utilidade”. É o desexo da Real Academia Galega á hora de presentar o Portal das Palabras, unha plataforma que buscar airear, modernizar, dinamizar e abrir a institución de Tabernas á sociedade por medio das palabras.
Cada quince días, o crítico Ramón Nicolás publica no seu Caderno da Crítica, o "Taboleiro do libro galego" a listaxe dos libros máis vendidos da quincena, elaborado segundo o informe de venda de dezaseis librarías. Nesta última, Infiltrados, de Afonso Eiré, encabeza a listaxe.
A única condición que a Academia recolle para a figura á que se lle dedica o Día das Letras Galegas é que leve dez anos morta. Iso acontecerá o próximo 17 de maio coas poetas Xela Arias e Luísa Villalta, dúas mulleres que morreron novas e que lle darían novo impulso á conmemoración.
A través do seu blog, o ex delegado da Sgae e ex-director de Agadic, Xoán Carlos Fasero abre a guerra contra o presidente da SGAE, Antón Reixa, un mes despois de ser destituído do seu cargo. Confésase “vítima” a acusa a Reixa de mentir e se ter aproveitado da SGAE. Ao seu ver, Reixa é o que tería que estar fora da presidencia da entidade.
A construción da A-54 pode arrasar o conxunto arqueolóxico de Coeses. O desvío anunciado por Fomento significa a destrución da necrópole de inhumación que, se non se para, se producirá sen ter concluídos os traballos arqueolóxicos. Catro asociacións únense para facerlle fronte á desfeita patrimonial que se pode producir coa actuación do Ministerio.
Galiza está na cola do gasto cultural no Estado español, segundo se deduce dun estudo baseado en datos do Instituto Nacional de Estatística. Só por riba de Extremadura, as familias galegas gastan ao ano arredor de 1.000 euros menos que as da comunidade de Madrid, que se sitúan á cabeza da lista.
O que fora director do Centro Galego de Arte Contemporánea é o nome escollido polo PP para pechar o grave conflito xurdido no MUSAC despois da dimisión en tres meses da súa directora, que acusou á consellería de control político sobre o centro.
Do 17 ao 19 de xuño, o seminario Novo Cinema Galego comisariado polo crítico Martin Pawley mostrará as máis recentes producións de novos realizadores do noso cine no Bilbao Arte, centro dependente do concello da cidade.
Escritor cunha obra moi relevante, Xavier Queipo é asemade tradutor de Amin Maalouf e Hervé Guivert, Conrad ou Joyce. Queipo é tamén autor do novo capítulo de O crânio de Castelao, a novela colectiva da lusofonía que o semanario Sermos Galiza está a publicar por entregas.
'Cadeas', de Xabier López, obtivo o Premio Xerais de Novela 2013. E 'O castañeiro de abril', de Fraga Allegue, levou o Merlín de Literatura Infantil. Xabier Docampo, como mantedor literario da gala realizada en San Simón, convidou a “ler o libro de nós, o que di dos galegos e galegas que tal queren ser. Ler a nosa nación coma iso, coma unha nación”.
Xosé Abad vén de recoller o premio á mellor longametraxe na segunda edición do certame Primavera de Cine polo documental 'O segredo da Frouxeira'. O proxecto, que narra a investigación arredor de catro desaparicións no marco da Guerra Civil, logrou descubrir o tráxico final do último alcalde republicano de Serantes, en Ferrol, e daqueles que o axudaron a agocharse.
O que fora director do CGAC, Manuel Olveira postúlase como principal aposta do PP para pechar a crise do MUSAC despois da dimisión da directora Eva González Sancho, a só tres meses de tomar posesión do cargo.
'No bico un cantar. Nenos e nenas cantan a Rosalía' xuntou a pequen@s de centros de ensino musical para poñer voz a catro poemas da poeta nacional
A Comisión de Igualdade do Consello da Cultura Galega vén de presentar o informe “Recuperación da documentación e memoria do Movemento Feminista Organizado en Galicia”, resultado de anos de compilación de documentacións e distintos materiais das organizacións feministas. As autoras, Carmen Pérez Pais e Mariam Mariño identificaron 88 entidades na historia recente do momento.
Todas as sextas feiras, Sermos Galiza publicará unha crítica de cinema dunha película de recente produción. O crítico Andrés Castro incorpórase cunha sección fixa na que nos dará conta das estreas cinematográficas.
Que cada ano a Academia recibe propostas e mesmo presións para conseguir o Día das Letras galegas é ben sabido. Que, desta volta, lle chegue da mocidade o apoio para o poeta Xosé María Díaz Castro, é pola, contra, unha noticia inesperada que terán que valorar as persoas que teñen dereito a voto no pleno. No IES Poeta Díaz Castro están a facer todo o posíbel para que sexa o escollido, mesmo un documental.
A xeometría abstracta de Vítor Mejuto móstrase por vez primeira en Nova York. O artista inaugura a súa exposición "O silabario perdido" esta sexta feira, 7 de xuño, na galería Schema Projects.
“Retallos daquela infancia” é o título do novo libro de Bautista Álvarez. Non son ensaios nin discursos nin artigos xornalísticos
