Obradoiros de percusión, danza, circo e capoeira e mesmo concertos, e todo de balde, conforman o cartaz do BateBatuke 2013. No marco da V Xornada de Percusión Afrobrasileira, a mítica asociación de percusionistas da capital galega promete troula nos días 1 e 2 de xuño
Sendeirismo sobre o asfalto. Música como paisaxe. O programa “Música en Branco” bota a andar catro rúas peonís polo barrio de Agra do Orzán para se atopar coa memoria colectiva a través do camiño da música.
O Festival de Cans bota a andar e até o día 25 terá lugar a edición na que se conmemora o seu décimo aniversario. Desde os inicios, Alfonso Pato, veciño desta aldea do concello do Porriño, está á fronte do encontro do audiovisual con máis agroglamour.
A Feira das Industrias Culturais, Culturgal, ven de quedar sen director nin equipo de xestión. O que fora elixido pola Asociación Culturgal para desenvolver un proxecto de promoción das industrias culturais que nacera no bipartito, despídese do posto que asumira no 2011.
Con dun lago escuro Marta Dacosta vén de gañar o Premio Johán Carballeira do Concello de Bueu. A poeta leva xa máis de vinte anos na escrita e nesta entrevista debulla para nós o novo libro, a súa traxectoria e a súa face máis comprometida coa lingua, o ensino público e o país.
A música como sinal de identificación dun barrio. O proxecto “Música en branco. Memoria da Agra do Orzán” fai xirar un programa de acción arredor da memoria sonora e musical do barrio da Coruña. Xurxo Souto deu conta del no autobús da liña 7, a que atravesa o barrio.
A Xunta afogou a política institucional de recuperación da memoria que se desenvolvera durante o bipartito, mais a defensa de accións públicas contra o esquecemento deféndense a nivel institucional no Concello de Pontevedra que bota a andar un programa para recuperar a historia das mulleres que defenderon a liberdade e que terá no “Simposio sobre a represión franquista contra as mulleres” dos días 7 e 8 de xuño unha das súas principais actividades.
Os carteis de “véndese” que cada vez penduran máis de andares e establecementos comerciais chegaron tamén aos pazos. Na rede pódense atopar arredor dun cento, algúns declarados BIC, que buscan no capital exterior os seus futuros propietarios. Varios deles anuncian xa rebaixas.
A derradeira semana de maio, División Azul, a nova obra do vigués Fran Jarabá, verá a luz nas tendas do estado español de man de Edicións de Ponent. Pola súa banda, Xerais prepara a edición en galego deste cómic no que o espionaxe, o amor e a militancia política impulsan un periplo pola Europa convulsa da Segunda Guerra Mundial.
A vila dos viaductos vive días de entusiasmo e alegría teatreira. Rúas, prazas e espazos públicos énchense de teatro neste Festival Internacional de Títeres que remata o día 19. A vila enteira convértse en festival.
Euloxio Rodríguez Ruibal coñeceu a Roberto Vidal Bolaño a través do cine, e despois, do teatro. Cóntanos como foi a súa relación en tempos difíciles para todo o que fose estímulo do pensamento: arte, cine, teatro ou literatura.
Máis Alá, o terceiro volume dunha serie biográfica, aterrou nas tendas do país coeditado por Demo Edicións e a libraría Kómic. Esta nova entrega repasará a estancia en París do histórico nacionalista e a súa relación coa arte da vangarda. O IV Encontro das Irmandabades da Fala e as conversas con Manuel Antonio arredor do manifesto Máis Alá moverán a acción na Galiza.
A imaxe de Roberto Vidal Bolaño como pano de fundo. A escenografía de Criaturas, de Teatro do Aquí, sobre o escenario. A Academia celebrou a sesión extraordinaria do Día das Letras Galegas co plenario reunido no Teatro Principal de Santiago. O primeiro presidido por Xesús Alonso Montero. Foi a meiodía, a mesma hora que a manifetación de Queremos Galego saia da Alameda e pouco antes de que se impedira a entrada á Rúa Nova na que se celebraba coa asistencia do presidente da Xunta.
A poeta Marta Dacosta resultou gañadora do premio Johan Carballeira de poesía, do concello de Bueu, coa súa obra "dun lago escuro".
Que unha editorial de pequena dimensión decidira hai tres anos publicar a Obra Completa de Roberto Vidal Bolaño pon en cuestión a política editorial e o sistema literario. Quen isto pensa é Francisco Macías, o creador de Edicións Positivas, un selo que descubriu a Lois Pereiro en vida -anterior Día das Letras- e agora ten nas librarías dous dos seis volumes que integrarán a Obra Completa de Vidal Bolaño. Para Francisco Macías, por vez primeira o Día das Letras descobre un autor de dimensións inmensas e fai mesmo cuestionar a nosa historia literaria.
Policía ás dúas beiras da Rúa Nova na que se celebraba a homenaxe da Xunta a Roberto Vidal Bolaño. Un grupo da Plataforma das Artes Escénicas ao que se lle sumou unha protesta de afectados das preferentes topáronse cun desmedido control policial. Actrices e actores levaban nariz vermello en homenaxe ao seu compañeiro Vidal Bolaño.
“No principio foi o verso: Rosalía de Castro” mostra a través de obxectos, imaxes e documentos a vida e obra da poeta arredor do Vigo no que se publicou hai 150 anos Cantares Gallegos. A exposición, comisariada por Pepe Barro, estará aberta ate o 15 de agosto en Vigo.
Desde este 17 de Maio e até o vindeiro domingo, a loxa de Sermos Galiza disponibiliza o libro Rosalía, estranxeira na súa patria, de Francisco Rodríguez, nunha oferta que inclúe o documentario Canto de permanencia, sobre Uxío Novoneyra
A SGAE despide a Xoán Carlos Fasero por medio dunha carta. O que fora xerente da AGADIC, mantívose só seis meses á fronte da coñecida como “zona noroeste” da entidade á fronte a que está Antón Reixa, que tivo en abril que responder polo nomeamento de Fasero, ao se saber que o musical Galicia Canival recibira case cento cincuenta mil euros da AGADIC.
No teatro que leva o seu nome, na Coruña, cidade que hai cen anos homenaxeaba a Manuel Murguía, Rosalía de Castro recibirá o recoñecemento popular con voces poéticas e música no 150 aniversario da publicación de Cantares Gallegos.
