Ademais dos actos institucionais, o Día das Letras Galegas conmemórase en asociacións, entidades e, moi especialmente, en centros de ensino. Nos de Ordes, un dos berces do bravú, este venres chegan à final da súa “O.O. Operación Ordes” na que a rapaciada compón e canta en galego.
“Un españolista vai defender o galego”. Así respondeu Xesús Alonso Montero ás palabras da nacionalista Pilar García Negro nas que o definía as declaracións do presidente da RAG ao respecto do BNG como debidas a un “españolismo extremista”
Con Cronoloxía da Urxencia a poeta Dores Tembrás gañou o Premio de Poesía do Concello de Carral. Un poemario na que a autora procura o desexo en multitude de voces femininas, nun encontro coa terra, o traballo e a casa da aldea. Autora de O pouso do fume (2009), Dores Tembrás afonda nunha liña que ten como trabes a terra, o silencio e o desexo.
No día 15 de maio no que se fan 65 anos da Nakba palestina, a AELG homenaxea ao poeta Mahmud Darwich cun acto no que se lle porá o seu nome a unha aula da Escola Oficial de Idiomas da Coruña. Darwich estivo na Galiza en 2006 para ser recoñecido co premio internacional da asociación da literatura galega.
O I Campionato de Improvisación Teatral Galego, que arrincou o pasado 11 de maio, rotará por distintos garitos do casco vello cada sábado. A final resolverase o 15 de xuño no Teatro Principal
O I Campionato de Improvisación Teatral Galego, que arrincou o pasado 11 de maio, rotará por distintos garitos do casco vello cada sábado. A final resolverase o 15 de xuño no Teatro Principal
O Premio Trasalba, instituído pola Fundación Otero Pedrayo, leva recoñecendo en trinta edicións longas traxectorias de compromiso coa cultura e o país. Na XXXI dá un xiro no seu perfil e premia a Cristina Pato, nacida en 1980, pola súa proxección internacional.
María Lado e Lucía Aldao co espectáculo poético-musical “Con dez poemas por barba” e o alumnado do Conservatorio abrirán o día 14 a 31 edición da Feira do Libro de Lugo. Un completo programa cultural Ate o domingo 19, un completo programa encherá de cultura a Praza Maior na semana das letras.
O blog “De volta para Loureda” da Rede de apoio a Carlos Calvo vén de ser gañador da décima edición do Premio Roberto Vidal Bolaño, das Redes Escarlata.
Unha Rosalía punki, rockeira e pirata. Así é a poeta que Uxía canta no seu novo traballo “Rosalía Pequeniña” (Galaxia) un libro-cd con once cancións para poñerlle música á poeta desde crianzas.
A arte galega é a grande ausente da programación especial que o Centro Galego de Arte Contemporánea (CGAC) preparou para conmemorar o seu XX aniversario. Vai case medio ano deste complexo 2013 en que se conmemoran as dúas décadas da súa apertura e ningunha exposición ten como protagonista a arte galega.
.
Despois dun feixe de intervencións públicas nas que Xesús Alonso Montero provocou máis de unha polémica, a propia Academia Galega publica no seu web a entrevista oficial do seu novo presidente. Alonso Montero entende que, malia a perda de falantes, o proceso de substitución do galego polo español é hoxe menor que cando escribiu o seu Informe Dramático.
![Manuel Rivas pronuncia o seu discurso [Imaxe: Óscar Paris]](/asset/zoomcrop,480,270,center,center/media/nosdiario/images/2013/03/09/2013030917092968052.jpg)
Nunha longa entrevista con Sermos Galiza, Manuel Rivas analiza o conflito vivido na Real Academia Galega que resultou na demisión de Ferrín e na elección de Alonso Montero como novo presidente.
Poesía galega postrobadoresca, datada entre 1380 e 1430, asignada a Afonso Paez. “En cadea sen prijon” é o título do volume editado polo profesor Henrique Monteagudo despois da singular aparición dun novo cancioneiro para a lírica galega. O achádego, ao seu ver, é histórico en tanto que descobre que a poesía galega continuou mesmo “despois do apagamento da escola lírica galego-portuguesa”. Ao seu ver, algunha das súas composicións merecen tomar parte nas antoloxías da nosa poesía.
Malia que o Día das Letras Galegas se dedique por vez primeira a un autor teatral, o fillo de Roberto Vidal Bolaño, Roi Vidal, afirma que este é o ano do “antiteatro”. En declaracións á axencia EFE, estase a “desorganizar” o que se conseguiu até agora no teatro profesional galego.
“O seu sectarismo antinacionalista traizóao” dixo Xavier Vence a respecto das recentes declaracións de Alonso Montero sobre o BNG. O presidente da RAG afirmou que o Bloque "é como esas nais que queren moito aos nenos pequenos que os apretan tanto que os abafan”
En setembro saíra a primeira novela en español do escritor e articulista Xosé Carlos Caneiro. Con “Las arañas en Berlín” o escritor publica por vez primeira unha novela en español despois de ter abandonado o galego nos seus artigos malia ser un destacado editorialista da RG. O propio Xosé Carlos Caneiro fai uns apuntamentos a esta información no apartado de comentarios.
O artigo “O sotaque de Aurelia” da escritora Mariña Pérez Rei resultou gañadora do IX Prenio de artigos xornalísticos normalizadores do Concello de Carballo. O artitgo sairá publicado en doce cabeceiras, etnre elas, Sermos Galiza.
O secretario xeral da Consellaría de Cultura, Anxo Lourenzo, atribúe o cesamento do xerente do CGAC a un “proceso de renovación” cando se cumpren vinte anos do Centro. Como adiantou Sermos Galiza, a Consellaría de Cultura cesou a pasada sexta feira a Manuel Arroyo á fronte do departamento de xestión do centro, despois de ocupar a praza desde o inicio da súa andaina.
Ningún representante da Consellaría de Cultura e Educación asistiu o sábado á Gala das Letras, o acto central anual da Asociación de Escritores e Escritoras en Lingua Galega (AELG). Por vez primeira, o departamento da Xunta responsábel de temas culturais ausentábase da celebración na que, entre outros premios, se recoñecía a Lidia Jorge como Escritora Galega Universal.
