O día 6 de xuño porase á venda o novo álbum de Mª Xosé Silvar, Sés, que leva por título Co xenio destrozado. Despois da extraordinaria acollida do seu primeiro traballo, Admirando a condición, e de sorprender en centos de concertos por todo o país, volve coa súa forza no seu segundo traballo discográfico.
A Consellaría de Cultura vén de cesar de forma fulminante o xerente do Centro Galego de Arte Contemporánea, Manuel Arroyo, que levaba no posto desde o inicio da historia deste ente. Nas últimas semanas, Sermos Galiza ten informado sobre a crise pola que atravesa o Centro, cun padroado sen convocar mesmo cinco meses despois da demisión do seu presidente e de dous dos seus vogais.
Confírmanse como a tríade de obras máis premiadas do ano. A Gala das Letras da AELG contribúe a consolidalos cos seus galardóns.
Son catro, un por cada canto. Guadi Galego, Xabier Díaz, Guillerme Fernández e Xosé Lois Romero atravesan o océano co seu proxecto aCadaCanto para tocar en Montevideo e Bos Aires.
O sábado ás 20 horas coñeceranse as persoas e obras gañadoras dos premios da Asociación de Escritores e Escritoras en Lingua Galega nunha gala que terá lugar no Centro Ágora da Coruña. A narradora portuguesa Lídia Jorge será recoñecida como Escritora Galega Universal. A gala, aberta ao público,contará coas actuacións musicais de César Morán e Uxía.
A corrupción na Costa da Morte, novas iniciativas para tecer redes na internet, Venezuela, o caso Someso, o esmorecemento do CGAC no seu 20 aniversario, o encontro de rugby que enfrontará Galiza e Euskadi, un trivial feminista e un proxecto de educación social que se chama Mimadriña. Mimadriña como vén este semanario do Sermos Galiza! Vas perdelo? E agora tamén o podes mercar na nosa loxa
“Como nós queiramos e o tempo que aguantemos”. Esas son as normas da lectura colectiva de textos de Roberto Vidal Bolaño convocada para o venres 3 de maio en Compostela, diante da estatua do seu admirado Valle Inclán.
O actor apoiou a mobilización da ultradereita española convocada por Galicia Bilingüe en Compostela o 8 de febreiro de 2009. Participantes nese protesto berraban "aldeanos!" e "paletos!" ás persoas que fixeron parte da contra-manifestación, esta si, en defensa da nosa lingua, namentres os antidisturbios mallaban nelas. Doce están pendentes de xuízo
O novo presidente da Academia Galega di que Ferrín se equivocou ao sinalar que viaxando no coche oficial aforraba 12.000 euros e asegura que coa súa chegada a institución evitará desembolsar até 13.000, pois el viaxará en tren "que é máis barato e fanme un desconto do 40%"
Francisco Rodríguez afirma nunha entrevista no Diario Cultural da Radio Galega que pode aparecer máis obra até o de agora descoñecida de Rosalía de Castro, tal e como adiantara nunha entrevista en Sermos Galiza. A preguntas de Ana Romaní, o investigador explicou o achado do inédito rosalián que viu a luz no número 44 do noso semanario.
Catro subscripcións de Sermos Galiza é o premio do concurso que a libraría “Aira das Letras” de Allariz bota a andar neste mes de maio. Catro categorías para participar no propio establecemento ou a través da rede.
Fanse cincuenta anos do pasamento de Vicente Risco e Allariz lembra a perda do escritor cunha xornada de homenaxe promovida pola Fundación que leva o seu nome mais as asociacións comerciais da localidade. O opúsculo "Quen é Vicente Risco?" revisa a figura do escritor, a súa obra e o seu perfil ideolóxico.
Conversamos con Francisco Rodríguez, unha das persoas que mellor coñece a nosa poeta nacional a través da súa obra e que nestes días resgatou do esquecemento un poema inédito seu publicado en 1866 no xornal madrileño La soberanía nacional. Estes versos de Rosalía voltaron a ver a luz no número 44 do Sermos Galiza en papel.
Falamos con Lola Ferreiro, voceira da plataforma en defensa da radio e da televisión pública galegas que se constituíu o ano pasado: Mira por Elas!
Mergullámonos na historia desta asociación cultural cun proxecto baseado na divulgación, o ensino, a produción e a investigación
"Cando comecei a escrita do Caderno do Mekong fíxeno como gratitude a un pobo que me axudou a ter conciencia antiimperialista e concretala na realidade da miña nación". Eis aquí a crónica
O segundo volume de O Heroe, derradeira obra de David Rubín, vén de situarse entre os finalistas á mellor novela gráfica do ano no Saló do cómic de Barcelona. Tras gañar o segundo premio no certame das librarías especializadas do estado na mesma categoría, a mitoloxía grega volve estar de actualidade de man do artista ourensán.
Conversamos co cantor coruñes Xoel López ao redor da publicación do seu último traballo discográfico
Os pallasos Pirritx, Porrotx eta Marimotots levan 25 anos combinando éuscaro, diversión e valores. E tamén aman o galego. Este domingo, 28, estarán en Compostela nun festival solidario coa escola de ensino galego Semente. E si, haberá tortilla de patacas con xamón!
COLORSONORO é unha iniciativa interdisciplinar, con base na electrónica, que integrará música ao vivo, videoarte e performance
