Da autoría de Suso de Toro é o novo capítulo da novela por entregas O Crânio de Castelao publicado no número 43 do semanario Sermos Galiza, nos quiosques desde a pasada quinta feira.
A consellaría de Cultura non informou de maneira oficial aos membros do padroado do CGAC da demisión do seu presidente de Sousa Faro. Segundo varios membros consultados por Sermos Galiza, nin houbo notificación da Xunta nin foron convocados para ningunha reunión do padroado.
A Agrupación Cultural O Galo, xunto coa Asociación Lúa Chea de Teo e Vagalumes da Estrada homenaxearán o sábado 27 de abril os Mártires de Carral, cun roteiro e un acto final diante de San Martiño Pinario, en Compostela.
É o libro do ano. Fanse 150 anos da publicación de Cantares Gallegos de Rosalía de Castro e actos oficiais e populares conmemoran a obra inaugural da nosa literatura. No Día do Libro achegámonos á “revisita” que fai del o artista e deseñador Pepe Barro.
A noite branca, de Francisco Fernández Naval como mellor libro do ano para a Federación de Libreir@s xunto coa web Galicia Encantada, As Guías da Natureza de Baía, o CEIP Quintela de Moaña e a libraría Komic de Santiago sumáronse a Mª Xosé Queizán como autora do ano nos premios da Irmandade do Libro entregados o sábado en Monforte.
Pouco tardou Alonso Montero en pechar as portas a calquera acordo co reintegracionismo. O novo presidente da RAG mostrouse tallante na súa primeira entrevista pública na Radio Galega ao afirmar que non ten previsto mover “nin un pelo” na normativa. Pola contra, o que lle gustaría é desandar o camiño andado, recuperar as do 1982 e renunciar á chamada normativa da concordia. Non o fará por motivos exclusivamente pragmáticos.
A poucas horas de ter sido eleito novo presidente da RAG, Xesús Alonso Montero já recibiu o ofrecemento da Associaçom Galega da Língua (AGAL) para o diálogo. Solicita-lhe, em primeiro lugar, que apoie a ILP Paz Andrade, que arrancou ao lhe adicar o Dia das Letras Galegas ao empresario . A AGAL aproveita para parabenizar o novo presidente.
Coa obra presentada co lema A distancia do tambor a poeta Eva Veiga resultou gañadora coa XIII edición do Premio de Poesía Fiz Vergara Vilariño. A poeta participou recentemente como actriz na longametraxe dirixida por Margarita Ledo, A cicatriz branca.
A grande dama da literatura brasileira faz 90 anos de idadet. Ela não gosta de festejar aniversário, mas o mundo cultural brasileiro comemora. E a Biblioteca Nacional inaugura, no Rio de Janeiro, uma exposição sobre a grande escritora.
O filme Arraianos de Eloy Enciso vén de ser galardoada co premio "Vanguardia y Género" na sección de innovación e experimentación con novas linguaxes no Festival Intenacional de Cine Independiente de Buenos Aires, Bacifi. O filme de Eloy Enciso fora seleccionada pola crítica como mellor película galega de 2012 e galardoada no Festival de Cine Europeo de Sevilla.
O empate na primeira votación rompeuse na segunda e significou a vitoria da candidatura menos continuísta respecto á etapa de Méndez Ferrín por 12 sufraxios contra 10 e unha abstención.
O investigador e escritor Xesús Alonso Montero é o novo presidente da Academia Galega. O pleno da institución reunido hoxe na súa sede da Rúa de Tabernas escolleu a Alonso Montero como sucesor de Xosé Luís Méndez Ferrín. Péchase así o periodo máis convulso da Academia dos últimos tempos.
O pleno da Real Academia Galega (RAG) reúnese hoxe ás 12:00 para escoller o nome do que será sucesor de Xosé Luís Méndez Ferrín ao fronte da súa presidencia. As candidaturas de Xesús Alonso Montero e Manuel González concorren a unhas eleccións insólitas, despois dun tempo de convulsión que deixa a Academia dividida. A incerteza sobre o hipotético gañador é absoluta. Nen sequer se desbota que até vaia votar Ferrín, cuxa demisión como numerario non fora aceitada no seu momento polo Pleno.
A Asociación Galega de Editores (AGE) fai un chamamento é cidadanía e aos poderes públicos para afortalar un sector que está a sofrer a crise de maneira especial. A preocupación é compartida no mundo da cultura na conmemoración do Día Internacional do Libro.
A véspera de ser elixido novo presidente da RAG, o académico que ocupa o posto en funcións, Xosé Luís Axeitos, publica na web unha nota na que confirma que a Xunta non desistiu do recurso de casación diante do Tribunal Supremo e defende o traballo “responsábel, xeneroso e desinteresado” dos servizos xurídicos da Academia.
Margarita Ledo e Henrique Monteagudo completan a lista á executiva presidida por Xesús Alonso Montero. Todo apunta a que Xosé Luís Axeitos e Darío Xohán Cabana, serán os novos nomes na candidatura encabezada por Manuel González. Pechada a posibilidade de acordo, o plenario prepárase para escoller a nova dirección da Academia.
A partir do venres 19 e ata o martes 23 de abril as librarías sacan os libros á Praza da Constitución na XXIV Feira do Libro e a VI Festa da Lectura, do Libro e da Palabra, a primeira das once citas ao aire libre na campaña de Feiras da Federación de Libreiros.
Traballos de forxa ao vivo, obradoiros de artesania, feira de produtos e moita animación para todos os públicos convidan a visitar Riotorto o domingo día 21 e participar na VI Feira dos Ferreiros na que se rende tributo a unha actividade tradicional do concello. Unha actividade que permanece viva desde hai 500 anos.
Nove minutos de conversa con Cadaval nun escaparate por un euro. A nova proposta do director, actor, escritor e xenio do espectáculo súmase á recente escrita ao vivo do libro 22 romances incompletos que sairá publicado en breve. Son as orixinalidades de Quico Cadaval.
Despois de concentracións, manifestacións, escrachos ou manifestos, chega á hora da batucada para defender a cultura galega. Será o día 28 de abril no que grupos de percusión camiñarán desde a Alameda á Praza da Quintana de Compostela como unha maneira nova de se opoñer ao desmantelamento da nosa cultura.
