cultura

Ese relato de iniciación á vida adulta, épico e alegórico como adoita o seu autor, que se titula Arnoia, Arnoia (1985) será circo. O Centro Dramático Galego, en coprodución coa compañía Pistacatro e baixo a dirección de Quico Cadaval, estrea esta quinta feira 11 de outubro a adaptación da obra de Xosé Luís Méndez Ferrín, subtitulada O circo da casa pequena.
 

A décimo quinta edición do Festival Curtocircuíto pechou este domingo coa entrega de premios. Monelle, un filme do italiano Diego Marcon levou o principal galardón, Explora. “Circular e sen narrativa nin xerarquía, sen comezo nin fin”, a curta evolúe arredor da Casa do Fascio en Como. Gañou os 3.000 euros da categoría.
 

Hai anos, Xurxo Souto teorizou sobre Los Tamara como avanzada da denominada world music. Os de Pucho Boedo e Prudencio Romo, activos durante un cuarto de século desde finais dos 50, visitaron territorios soul, bolero, danzón, baladas, canción lixeira. Con A Santiago voy, talvez o cimo da súa popularidade, estabeleceron o himno oficioso do galego emigrante. Novedades Carminha, trío compostelán, veñen de rexistrar a súa lectura do clásico á luz da cumbia psicodélica.
 

Entre 1920 e 1936, a de Camilo Díaz Baliño foi unha presenza fundamental na cidade de Santiago de Compostela. Escenógrafo, pintor, deseñador gráfico, o seu traballo nos anos composteláns forma parte principal da modernidade artística galega. Eses 16 anos foron tamén o tempo que compartiu co seu fillo Isaac Díaz Pardo. Porque en 1936 foi asasinado. Unha mostra, que se inaugura a terza feira 9 de outubro, repasa esta historia.
 

Allariz convertirase entre o 12 e o 14 de outubro no epicentro poético de Galiza. Decenas de autores e autoras asistirán á quinta edición de Poemagosto, o festival internacional de poesía que este ano estende a súa frondosa programación a tres xornadas. “Este ano mudamos conceptos e ampliamos as actividades”, admite Carlos da Aira, un dos organizadores.
 

O simple rexistro da realidade é, ás veces, a toma de partido máis contundente. O cinema, que naceu gravando os obreiros á saída da fábrica, sábeo. Tamén o sabía Claudio Guerín Hill cando, en 1967, rodou por encargo da Televisión Española un documental sobre Compostela. O escándalo maiúsculo provocado pola súa emisión só remitiu cando a canle pública retrucou con outra obra, esta a cargo de José Luis Font.
 

O óleo emblema da resistencia galega contra a barbarie fascista está en Galiza. O presidente da Xunta e os líderes da oposición asistiron na Cidade da Cultura ao simbólico acto da súa desembalaxe.
 

A tradución de narrativa é o núcleo do traballo da editorial Hugin e Mugin. Novelas e relatos de variada época -a partir do século XIX- compoñen as súas coleccións. Agora convocan a segunda edición do Premio Realia de Tradución Literaria para “recoñecer traducións inéditas á lingua galega de obras narrativas circunscritas á novela e á novela curta”.
 

Pasaba dos 90 anos e seguía frecuentando os escenarios. Compuxo case un milleiro de cancións e entre elas numerosos himnos oficiosos da Francia do século XX. Tamén traballou no cinema. Fillo de inmigrantes armenos, Charles Aznavour morreu esta segunda feira na súa casa da serra das Alpilles, no sur do Hexágono.
 

Kalandraka, a editorial especializada en literatura infantil e xuvenil, dá o salto ao mundo audiovisual. A súa canle de televisión dixital xa emite. “Queremos que contribúa á promoción da literatura infantil e xuvenil e sexa unha ferramenta de formación para creadores e profesioanis vencellados ao libro, ademais de para as familias”, indican os promotores.
 

É unha das citas clásicas da escena galega. Esta sexta feira comeza a 27ª edición do Festival Internacional Outono de Teatro de Carballo. A programación, centrada “na igualdade, no lecer e na incorporación da mocidade ao mundo do teatro”, estenderase ate o 31 de outubro.
 

Xan Cejudo pertencía a esa xeración de pioneiros que construíron os alicerces do teatro profesional galego. Nado na Coruña, os seus primeiros pasos na escena deunos co grupo O Facho, nos anos sesenta. Exerceu como actor, director, autor. E morreu onte, aos 71 anos.
 

Por debaixo da brillante superficie musical existe outra vida. Seres que circulan polas marxes, propostas orgullosamente periféricas, sangue sonoro nutrido de manierismos de procedencia múltiple. Os discos recompilatorios Galician Bizarre levan case unha década funcionando como radar da música subterránea galega. O terceiro volume está a piques de aparecer.  
 

Antón Lopo (Monforte de Lemos, 1961) é o gañador da décimo segunda edición do premio Repsol de Narrativa Breve. Extraordinario titúlase a obra premiada, que se centra na exploración das relacións familiares.
 

A obra de raíz surrealista de Maruxa Mallo inaugurou, hai agora 25 anos, o Centro Galego de Arte Contemporánea en Santiago de Compostela. O museo, instalado nun edificio deseñado polo arquitecto portugués Álvaro Siza, axiña virou en referente nacional da modernidade artística. A derradeira fin de semana de setembro celebra un cuarto de século con música, cinema ou danza.
 

O cinema que transita polas periferias, que procura linguaxes alternativas, que se vale de materias inauditas, que se relaciona co real inmediato, é o que interesa ao Festival Internacional de Cine Curtocircuíto de Compostela. Este sábado, 29 de setembro, comeza a súa décimo quinta edición.