Chega a XXVII edición do Festival Rock in Cambre. A próxima fin de semana, 3 e 4 de agosto, Cambre acollerá un bo feixe de concertos entre os que podemos atopar desde emblemáticos grupos de rock até novas formacións que animarán, de seguro, uns días de troula, música e moito rock and roll.
Os bicos feridos, de Anna R. Figueirido, é a novela distinguida na primeira edición do Premio Viadutos de Novela do Concello de Redondela. Migracións contemporáneas e redes sociais, a soidade na gran cidade e o medo a morte, conforman a materia do libro, que publicará a Editorial Galaxia.
Se a etiqueta “músicas do mundo” aínda ten algún sentido é para citas como a do Festival de Pardiñas. O mítico encontro de Guitiriz, que este ano celebra a súa edición número 39, acolle bandas e propostas galegas, mexicanas, portuguesas e irlandesas.
Nomes tan míticos como Peste & Sida, punk rockers portugueses da quinta dos oitenta, e tan populares como Eladio y los Seres Queridos, vigueses que en Cantares (2016) repasaron alfaias do folk pop galego, atópanse na cabeceira do Verdoejo Art Rock. O festival, esta fin de semana en Valença do Minho, xunta bandas das dúas beiras da Raia.
É un dos escritores de teatro principais de Galiza. E dos dramaturgos. E dos actores. E dos promotores. Figura chave na contemporaneidade do xénero, Manuel Lourenzo (O Valadouro, 1943) será o Xograr de Ouro do Festival Internacional Outono de Teatro de Carballo, que este ano chega á súa edición número 27.
O Museo do Pobo Galego medrará. Xunta, Goberno do Estado e Concello de Compostela acordarón este serán un investimento de 2,9 millóns de euros para ampliar a emblemática sede da insititución. A ala sur do conxunto de San Domingos de Bonaval acollerá o novo espazo expositivo, de 800 metros cadrados.
Despois de meses de negociacións entre familia e institucións, o Legado de Maside permanecerá en Compostela, tal e como desexaba o artista. O Consorcio da cidade adquirirao por 430.717 euros, dos que a metade serán achegados pola Deputación da Coruña.
Dous endecasílabos pechan o soneto Se chego no solpor... de Víctor Campío Pereira: “Mais non me importa que se perda o canto. / Tanto me tén. A luz xa está perdida”. O poeta, de 90 anos, morreu esta terza feira. Deixa unha obra non moi ampla pero sólida, existencialista e clásica, civil e, como cualificou o seu colega e crítico Miro Villar, “heraclitana”.
“Hoxe as campás de Compostela anuncian unha festa étnica, filla, tal vez, d-un culto panteista, anterior ao cristianismo, que ten por altar a terra nai, alzada simbolicamente no Pico Sagro”. Así se refereía Castelao ao monte de Boqueixón no seu célebre discurso Alba de Groria. Hai 70 anos que o pronunciou no Centro Galego de Bos Aires. A Federación de Asociacións Culturais Galiza Cultura lembrouno este sábado.
O Rock in Cambre deste ano é un catálogo da historia do rock galego. O 3 e o 4 de agosto pasarán polo seu escenario algúns dos seus referentes prinicipais: Radio Océano, Heredeiros da Crus, Siniestro Total e Os Resentidos. Farano acompañados de varios nomes internacionais nunha cita que atinxe a súa edición número 27.
Do 14 ao 22 de xullo desenvólvese en Vila do Conde, Portugal, a 26ª edición do Curtas, Festival Internacional de Cinema, que este ano ten coma realizador en foco ao israelí Nadav Lapid. Compartimos un texto escrito para o catálogo do festival polo crítico, programador e cineasta Martin Pawley.
A obra poética de Luísa Villalta (A Coruña, 1957-2004) transitou os territorios que comparten música e escrita. Produciu o seu propio espazo no tempo en que eclosionaba a promoción dos 90. Catro libros publicados en vida valéronlle o favor da crítica e fieis lectores, defensores da súa proposta. A súa familia vén de ceder os seus fondos documentais ao Centro Ramón Piñeiro para a Investigación en Humanidades.
Na densa oferta de festivais de música no verán galego hainos de varias tipoloxías. Politizados, de menú variado, inclinados ás bandas galegas, con nomes de eco internacional, veteranos, abertos a outras artes ou estilisticamente monográficos. A esta última categoría pertence o Blues Museum, que esta fin de semana celebra en Lugo a súa segunda edición.
As Ramonas é a historia dunha tensión. A que conecta e separa o local do global. A que por veces enfronta o lugar do que unha procede e as súas aspiracións. É tamén a historia dunha fotógrafa que traballa para sobrevivir e crea arte para vivir. E é o título da novela co que Ana Cabaleiro (Saídres, Silleda, 1974) gañou a 30ª edición do premio García Barros.
A vida salvaxe éo de dúas maneiras. Unha, porque nos poemas que compoñen o libro a natureza está presente. E dúas, “porque a vida é salvaxe, é violenta”. Con esta obra, Gonzalo Hermo (Taragoña, Rianxo, 1987) vén de se facer co 16ª premio Afundación.
Das súas mans nacen figuras humanas. Ás veces colosais, ás veces de interior, sempre como arrincadas da materia: da pedra, da madeira. Expresan abraio, aceptación, inquietude, axitación. Respiran. Imaxinan. As esculturas de Francisco Leiro (Cambados, 1957) son tamén arte pública en vilas e cidades de Galiza e o exterior. O libro DVD Sísifo confuso explica “os traballos e os días” dun artista fundamental.
As migracións definen a historia de Galiza. Pobo móbil, en tránsito, a cada paso da súa existencia colectiva amplos continxentes dos seus habitantes marchan á procura dunha vida mellor. A Gran Recesión de 2008 volveuno provocar. Do 20 ao 22 de xullo, un encontro en Compostela pensa sobre a “nova diáspora galega”.
Dezassete entidades reintegracionistas —centros sociais, meios de comunicação, associações culturais ou as escolas infantis Semente- assinam o manifesto Cada ano que a RAG renega dele, Carvalho Calero é mais reconhecido autor das Letras Galegas!
Será a primeira obra édita da poeta Noelia Gómez (Rianxo, 1995). O xiro é o título do libro co que vén de se facer coa quinta edición do premio Gonzalo López Abente.
O seu disco debut, publicado en 2002, converteuse nun fenómeno que excedeu, con moito, as fronteiras do Brasil. A combinación de pop e ritmos indíxenas e a súa proposta de renovación da MPB transcendeu. Os Tribalistas moveron multitudes, venderon milleiros den discos -aínda se vendían discos- e non volveron gravar. Ate o pasado ano.
