O proceso de liquidación da dirección do Festival de Cinema Internacional de Ourense está a levantar unha vaga de indignación entre cineastas, escritores e outros profesionais. Máis de 300 acaban de poñer en circulación un manifesto de apoio a Fran Gayo e Analía G. Alonso, encargados da dirección do certame desde 2016.
Por escrito ou en imaxes, os premios María Luz Morales da Academia Galega do Audiovisual recoñecen investigacións no ámbito do cinema e a televisión. Na súa segunda edición, veñen de distinguir achegas sobre o papel da muller nese mundo.
Un concerto do cuarteto do cantante e saxofonista lugués Antonio Otero abrirá o primeiro Festival Internacional de Jazz de Bueu a quinta feira, 7 de xuño, no bar Farol. Organizan a Asociación de Jazz da localidade morracense e mais o concello.
O cantor de intervención e sindicalista Benedicto García Vilar morreu esta segunda feira en Santiago de Compostela, onde nacera hai 71 anos. Con el extínguese parte da memoria fundacional da Nova Canción Galega e a canción antifranquista.
Da envergadura da figura artística e intelectual de Luís Seoane apenas hai dúbidas. Outro asunto é a súa consideración. Polo menos, así opina a editora Rosa Espiñeira Pan, de Figurandorecuerdo(s)edicions, que desde 2007 organiza agasallos a miúdo en forma de libro ao pintor exiliado. Certezas Alumeadas titúlase o último, que presentou en Carral a pasada sexta feira.
A Mostra Internacional de Cinema Etnográfico do Muso do Pobo Galego ofrecerá, na súa sección oficial, filmes de dez nacionalidades diferentes. Entre elas, algunha presenza destacada en festivais como o de Berlín ou o suízo Visións do Real. “Na escolma apréciase a riqueza de recursos e temáticas presente no cinem etnográfico contemporáneo”, aseguran desde a organización.
Dúas poetas galegas fecharán a novena edición do ciclo Poetas Di(n)versos. Unha desenvolve a súa obra en galego -Celia Parra- e a outra maiormente en castelán -Miriam Reyes. Esta segunda feira, 4 de xuño, na Coruña, lerán a súa obra, atravesada pola experimentación con formatos audiovisuais.
O 16 de maio de 1978 o teatro galego entrou nunha dimensión descoñecida. Ese día, a función de Laudamuco, señor de ningures en La Salle (Santiago de Compostela) supuxo o inicio do camiño profesional da escena despois do franquismo. A corenta anos daquel fito histórico, a actriz e compañeira de Roberto Vidal Bolaño -autor da obra- Laura Ponte lembra aquel destemido salto adiante.
Catedrática de Filoloxía Galega, releva Ramón Villares trala fin do seu mandato.
Nas carteleiras dos cinemas galegos está acontecendo un fenómeno inaudito. Coinciden nelas dous filmes galegos e en galego, dirixidos por cineastas novas: A Estación Violenta, de Anxos Fazáns, e Dhogs, de Andrés Goteira.
“Queremos subliñar a nosa perplexidade e decepción polo xeito descoidado en que as cousas se foron sucedendo”. Eis o resume do comunicado redactado polo director artístico do Festival de Cine Internacional de Ourense e mais pola produtora executiva. Segundo Fran Gayo e Analía G. Alonso, a celebración da 23ª edición prevista para outubro é xa imposíbel.
A segunda edición da Semana do Libro de Compostela (Selic) contará coa presenza de máis de 30 expositores entre o 1 e o dez de xuño na Praza da Quintana. Como novidade, “a programación esténdese a outros espazos”.
“A Costa da Morte é poesía. Aquí formouse o Batallón Literario. E saíron poetas de gran calidade: os irmáns Villar, Modesto Fraga, María Lado... Por que non unha feira dedicada ao libro de poesía?”. Eis as razóns de Paco de Tano, presidente da asociación cultural Caldeirón, para organizar a primeira Feira do Libro de Poesía de Malpica.
A poeta Luz Fandiño (Compostela, 1931) e Manuel Pazos (Muxía, 1926), máis coñecido como Pazos de Merexo, son os Mestres da Memoria 2018. A distinción, outorgada pola sección de literatura de tradición oral da AELG, recoñece o labor de “informantes de literatura popular”.
Hai uns meses, Fermin Muguruza pendurou nas redes sociais unha fotografía de 1999 en que aparece abrazado a Joe Strummer. Na imaxe, Muguruza viste unha cazadora co logotipo da banda de rock industrial Nine Inch Nails. Case vinte anos despois, a iso remite a defensa ao vivo do seu novo proxecto: a electrónica industrial, marcial por intres, que avisa do agónico estado das cousas.
A curtametraxe Matria, de Álvaro Gago, é a grande vencedora da 15ª edición do Festival de Cans. Os premios do xurado á mellor curta de ficción, á mellor interpretación feminina e mais o dos veciños así o certificaron.
O cineasta Ignacio Vilar vén de recadar o apoio da Deputación de Pontevedra para o seu novo filme, María Solinha 2.0. Así o escenificaron director e altos cargos do ente provincial nun acto celebrado esta sexta feira na sala de prensa do Pazo Provincial.
A pintora Menchu Lamas e a escultora Soledad Penalta ingresaron este sábado 26 de maio na Academia Galega de Belas Artes. A súa entrada implica “un paso adiante” na feminización da institución.
Oito festivais de música veñen de constituír a asociación Festivais de Galicia. O seu obxectivo, garantiren “a seguridade, a cualidade, a sostibilidade ambiental” dos encontros e “concretar un discurso que, desde hai unha década, se move no sector”.
