Poucos territorios hai máis distantes que o da música electrónica e o da tradicional. Porén, existen valentes que procuran vías de aproximación a unha zona mestiza, onde convivan folclore e sintetizadores. O primeiro disco de Baiuca, Solpor (2018), é unha das máis acabadas tentativas.
Son talvez os máis famosos personaxes dos libros infantís galegos. Dezasete anos de idade, 1.700.000 exemplares distribuídos, máis de 550 títulos, Os Bolechas -creados por Pepe Carreiro- entran agora en contacto coa autora homenaxeada nas Letras Galegas, María Victoria Moreno. E fano en papel e en vídeo.
O repertorio vivo de taberna e romaría débelles non poucos favores. Nos seus discos, sete contando o acabado de publicar Inda canto!, recolleron e popularizaron e espallaron tonadas e coplas tradicionais. Treixadura conservan os mesmos obxectivos: “Manter as melodías coas que os nosos gaiteiros animaron festas e romarías”.
Que comerá o rei? é a particular ollada do contacontos, dramaturgo e actor Cándido Pazó (Vigo, 1960) sobre a obra de Castelao. Este sábado, 5 de maio, ás 20.30 horas, verase na Casa-Museo Manuel María, en Outeiro de Rei.
Entre 1956 e 1976, Galiza incorporouse a unha certa modernidade. A que traía canda si, baixo o xugo ditatorial, a apertura ao turismo e a integración na dinámicas do capitalismo occidental. A esta realidade acceden as 120 fotografías que conforman a mostra Turismo e fotografía. Català-Roca en Galicia. 1956-1976, comisariada por Anxo Rabuñal.
Rock duro, dese que sobrevive a modas e tendecias de toda especie, e letras de aspiración poética conforman o método de Nuada. Son a banda gañadora da segunda edición de Eclosom!, o certame de músicas emerxentes que convoca o centro social compostelán A Gentalha do Pichel.
Tres semanas de intensa actividade chegaron á súa fin este domingo, 29 de abril. Máis de 30.000 persoas visitaron o Salón Internacional do Libro Infantil e Xuvenil de Pontevedra. Desde a organización salientan, sobre todo, os públicos adolescente e profesional.
![[Imaxe: Xurxo Lobato] Manuel Moldes](/asset/zoomcrop,480,270,center,center/media/nosdiario/images/2017/12/03/2017120313474013254.jpg)
A derradeira grande exposición do pintor Manuel Moldes (Pontevedra, 1949 – 2017) titulouse Pontevedra Suite e viuse no Museo de Pontevedra. A cidade sempre estivo no centro das súas preocucpacións e ocupacións. O material desa mostra, maiormente creado na década dos 80, conforma agora o catálogo do mesmo título co que a Deputación de Pontevedra quere ofrecer unha “homenaxe póstuma” a Moldes.
A biografía de Manuel Antonio e Terradentro, unha novela con misterio sobre a desaparición do mundo campesiño, veñen de ser recoñecidas co premio Antón Losada Diéguez. O galardón, que se fallou este sábado na Casa do Concello de Boborás, outórgase a obras publicadas e atinxe así a súa edición número 33.
Desde As arpas de Breogán (2012), Rodrigo Romaní (Noia, 1957) non publicaba disco ao seu nome. Para este cuarto disco volve procurar inspiración na poesía de Avilés de Taramancos -en 2003 gravou Cantos Caucanos- e titula cun verso do poeta: Fíos de ouro no ár.
Cada xeración vive a historia en presente. Mais nos anos de Karl Marx (Tréveris, 1818 - Londres, 1883) sobre a terra, esa historia parecía entrar nun feroz remuíño. O capital desenvolvíase violento e vigoroso en Inglaterra. Francia coñecía unha revolución a cada tanto, Comuna incluída. Bismarck gobernaba Alemaña e na América do Norte comezaba a Guerra de Secesión.
O máximo órgano do Consello da Cultura Galega vén de renovar catro dos seus membros electivos. Así, a profesora de filosofía e ex deputada do BNG Carme Adán, o historiador Xosé Manuel Núñez Seixas, a matemática Elena Vázquez Cendón e o xornalista Xosé Ramón Pousa incorpóranse ao plenario da institución.
A clausura da Mostra Internacional de Teatro Universitario de Ourense (Miteu) recoñecerá mañá, sábado 28 de abril, o labor pioneiro de Tereixa Campo no teatro lugués e, por extensión, galego. A actvista teatral do Val do Mao recibirá o premio da organización da Miteu.
Oito membros numerarios da Real Academia Galega replican, nunha carta aberta, a entrevista do presidente Víctor Freixanes con Sermos Galiza.
A Asociación de Escritores e Escritoras en Lingua Galega quere que en Catalunya “triunfen a palabra e o diálogo, alimento da lietartura, e remate o antes posíbel a xudialización da súa vida política”. Así o expresa nun comunicado emitido un día despois da Diada de Sant Jordi.
O segundo número de Follas Novas. Revista de estudos rosalianos vén de saír á rúa. No serán desta cuarta feira preséntase en Ferrol. Será ás oito do serán no edificio do antigo Hospicio.
Adriana Calcanhotto (Porto Alegre, 1965) é um dos últimos elos na longa e viçosa cadeia da Música Popular Brasileira (MPB). Vinte discos, três deles dedicados à música infantil baixo o pseudónimo de Adriana Partimpim, pontuam uma trajetória em que se misturam samba, bossa nova, pop ou baladas.
O bestiario científico de Anxos Nogueirosa é a novela xuvenil coa que Antonio Manuel Fraga (Nogueirosa, Pontedeume, 1976) vén de gañar a primeira edición do Premio María Victoria Moreno.
![[Imaxe: Bibliotecas Municipais da Coruña]](/asset/zoomcrop,480,270,center,center/media/nosdiario/images/2016/10/27/2016102713333227679.jpg)
Os anos Feixóo supuxeron un contundente correctivo para as bibliotecas públicas galegas. Así o certifican as cifras recollidas polo Consello da Cultura no seu informe Datos da edición en Galiza. 2006-2016: entre 2008 e 2016, o recorte nas adquisicións de libros para as bibliotecas caeron nun 58%.
Xulio Amigo será o novo presidente de Culturgal. Asume o cargo en substitución de Manuel Bragado, que dirixiu a asociación responsábel da feira das industrias culturais entre 2014 e este ano. Amigo é, ademais, o director comercial da emblemática Editorial Galaxia.
