A sétima sesión do ciclo Poetas Di(n)versos xunta na Coruña esta segunda feira, 23 de abril, a poeta occitana Aurélia Lassaque e o galego Darío Xohán Cabana. É xustamente a lingua do País d'Oc a que une a práctica poética destes dous autores.
“Cultura e Sociedade en Galiza: Iniciativas e Experiencias” é o título da primeira xornada. Seguiranlle outras dúas no Teatro Colón sobre mulleres e música e artes escénicas
A treboada perfecta abateuse sobre o libro na última década. Á crise económica sumouse a brutal redución de partidas orzamentarias destinadas ao sector pola Xunta. Así o constatan os datos recabados polo Consello da Cultura Galega no seu informe Datos da edición en Galicia. 2006-2016.
![[Imaxe: Xurxo Lobato] Carlos García Martínez](/asset/zoomcrop,480,270,center,center/media/nosdiario/images/2018/03/17/2018031713284654240.jpg)
O que foi durante case vinte anos director do Museo do Pobo Galego, Carlos García Martínez, será distinguido co Pedrón de Ouro. A fundación que outorga o premio desde hai medio século sinala “o compromiso sen fisuras cos alicerces e o devir do pobo galego” de García Martínez, falecido o pasado marzo.
No seu labor de achegar a cultura á poboación focega, a asociación cultural A Pomba do Arco organiza a sexta edición das xornadas Sentirmos a Arte. Serán entre a segunda feira 23 de abril e a quinta, 26 de abril, ás 20.30 no salón de actos do Cenima de Foz.
As cancións da tristura de Vinicio Capossela posúen unha perspectiva singular: ollan o mundo desde abaixo. Desde o traballo campesiño da Irpinia, no sur de Italia, e desde a empatía co canto popular dun Matteo Salvatore. Desde os que sofren a historia nas costas, ao cabo. Capossela presentará, por primeira vez na Galiza, o seu folk subalterno nun concerto este sábado no Teatro Jofre de Ferrol.
A Asociación de Actores e Actrices de Galiza vén de emitir un comunicado en que critica duramente a actual e “grave” situación do Centro Dramático Galego (CDG). Esmorecemento da súa actividade, un principio de externalización, a mingua na contratación de intérpretes, a escasa distribución e a desconexión do público son os eixes que sosteñen un documento que esixe a “refundación da institución”.
A oitava edición do festival Ponte Poética, que se celebrará esta fin de semana en Pontevedra organizado polo concello, xuntará voces poéticas internacionais. De Galiza a Occitania, de Catalunya a Irlanda, de Portugal a Euskal Herria.
Familia Caamagno é unha das máis engraxadas maquinarias do rock & roll galego. De rigoroso uniforme -chaqueta americana e camisa- e formación canónica -dúas guitarras, baixo, batería e frontman-, os seus concertos transfórmansen en cerimonias colectivas dedicadas ao baile e ao desafogo. Manuel Caamagno é o seu cantante, saxofonista e escritor.
Oito anos despois de Sós, Mercedes Peón (Oza dos Ríos, 1967) regresa ao disco. Deixaas titúlase o seu quinto traballo, que se publicará o vindeiro 27 de abril.
A súa prosa transita algúns dos territorios máis singulares da narrativa galega. Indeterminación, azares, historias a media voz, o mundo ao bordo do colapso, para Xosé Cid Cabido (Vigo, 1959) escribir consiste en desaferrollar o real. O autor de Blúmsdei (2006) vén de gañar o premio Ánxel Fole de narrativa breve.
Os prolongados silencios editoriais de Xohana Torres, sobre todo nas últimas décadas, non se corresponden co seu ritmo de produción. A Deputación da Coruña e a editora Engaiolarte botan agora luz sobre un ensaio seu, inédito, que a propia institución premiara en 1972 e que nunca vira o prelo: Teixido. San Andrés de Lonxe: Mitos e Ritos.
Entre a pintura romántica de Jenaro Pérez Villamil e as tendencias neopop de Santi Jiménez ou Nano4814 -nados a finais da década dos 70- sucede unha historia. A da arte galega dos dous últimos séculos. Así o relata Galicia Universal, exposición das coleccións de Abanca e Afundación instalada na Cidade da Cultura ate o mes de outubro.
Leo Bassi (Nova York, 1952) é cómico, fillo de cómicos, neto de cómicos, bisneto de cómicos. Defende a función política do bufón, a súa oposición aos inimigos das liberdades. O seu novo espectáculo, O derradeiro bufón, explora a súa historia familiar para amosar “ás novas xeracións” o legado do pallaso arreposto contra o poder. A partir da quinta feira 19 de abril preséntao en Galiza
De “traxicomedia de aldea” -como subtitulou o seu autor- a “traxicomedia da aldea global”. Eis a síntese da viaxe á que o Centro Dramático Galego somete un dos máis celebrados, e crueis, esperpentos de Valle-Inclán, o tamén rebautizado Divinas Palabras Revolution. Estréase esta quinta feira, 12 de abril, no Salón Teatro de Santiago.
O seu enterro en 1925 foi unhas das manifestacións públicas de dó máis descomunais das que se lembran en Vigo. Os tranvías pararon. Adversarios e inimigos renderon homenaxe. E o pobo tirou os chapeus. Morrera Ricardo Mella Cea, “pensador de primeira orde” e o anarquista galego de maior envergadura. Ricardo Mella. O home novo é a novela gráfica que, da man de Xosé e Ramón Trigo, repasa unha vida ao servizo da emancipación das clases populares.
Catro décadas sobre os escenarios -non exactamente: Leo Bassi actúa en calquera lugar en calquera intre- forman a base do Último bufón, o espectáculo que o cómico de orixe italiana presentará este mes en Galiza. En Ourense, no Miteu, o 18 de abril será a primeira de cinco datas na súa xira galega.
A historia da arte contemporánea en Galiza non se comprende sen o papel das artistas. A dez delas, ao seu traballo, ás súas biografías aos seus testemuños dedica a crítica Rosario Sarmiento o documentario Arte+Muller+Galicia. Estréase esta cuarta feira, ás oito do serán, no Teatro Colón da Coruña.
O Salón do Libro de Pontevedra achégase aos vinte anos de vida. E faino cunha aposta pola visibilidade da muller –Mulleres de conto é o lema da XIX edición- e a internacionalización: México é o país convidado. Até o 29 de abril, a cidade abeira ducias de actividades relacionadas co mundo da literatura infantil e xuvenil.
O baixo de Alberte Leis é un elemento central nalgunha das propostas de alta enerxía máis salientábeis da música galega. Pioneiro do hardcore en Dirty Barriguitas, na actualidade sostén Samesugas, punk e rock & roll de repercusión internacional. E, nun xiro inesperado dos acontecementos, practica o formato acústico en Os Novos e na Ukestra do Medio.
