cultura

O primeiro festival de poesía Alguén que respira! celebrarase a partir desta cuarta feira en Santiago de Compostela. Organizado polo concello en colaboración con Política Lingüística, e dirixido polo poeta Antón Lopo, esta edición inaugural céntrase “na oralidade como base do impulso poético e os procesos de creación lírica nos territorios en conflito bélico”.
 

Silvia Penide (A Coruña, 1979) navega entre varias augas. Canción de autora, pop acústico, ás veces certo folk anglosaxón. Tres discos e unha interminábel secuencia de concertos por toda Galiza e parte do exterior apontoan unha traxectoria cuxa última estación chámase Todo pintado de plata (2016).

A Feira do Disco e o Libro Galego de Monterroso acadará este sábado, 17 de marzo, a súa terceira edición. A asociación cultural 25 Xastres, que organiza o certame, define así a súa iniciativa: “Un punto de encontro no que poder gozar da cara máis lúdica da cultura”
 

O disco en que Uxía recrea os poemas de Uxío Novoneyra fíxose esta cuarta feira 14 de marzo co premio ao mellor álbum en galego concedido pola Unión Fonográfica Independente. Uxía-o impúxose nesa categoría dos Premios da Música Independente do Estado ao folk de Habelas Hainas e Os d'Abaixo e mais ao indie pop de Esposa e Atrás Tigre.
 

Novoneyra nunca puña o ramo a Os Eidos. Libro en proceso, aberto, unha das experiencias poéticas máis intensas do século XX, seguiu traballando nel durante décadas. Rescribindo, depurando, reordenando. Agora, a case vinte anos da morte do autor, Chan da Pólvora publica a máis completa edición do crucial ciclo de poemas.

252 pezas pasarán polas pantallas do mías popular dos festivais cinematográficos que se celebran en Galiza: o de Cans, na parroquia do mesmo nome do Concello do Porriño. Superan así as 235 da pasada edición e as 215 de 2016.
 

Entre os três ou quatro mitos vivos da canção brasileira conta-se Chico Buarque de Hollanda. Autor de 38 discos, romancista reconhecido, empregou a música popular do seu país para transmitir uma elaborada lírica, tensa, crítica, em luta contra a ditadura, e de amplo voo literário. O vindouro Junho regressa aos palcos portugueses após anos sem os pisar.

Nora Helmer é unha das grandes personaxes do teatro universal. A protagonista de Casa de Bonecas rebélase, non acepta máis as condicións dadas en que facía a súa vida. Abandona o fogar. “O noso lar non foi máis ca un cuarto de xogos. Eu fun a túa boneca”, espétalle a Torvald Helmer, “como antes fora a boneca de papá; e aquí os nenos foron os meus bonecos”. O eco da peza de Henrik Ibsen non se apagou. Sábeo a compañía Estudo do Momento, que abre con ela o seu proxecto Clásicos nunha hora.
 

A cineasta, escritora, académica e catedrática Margarita Ledo Andión (Castro de Rei, 1951) converteuse onte na primeira muller en obter o Premio Otero Pedrayo outorgado polas deputacións galegas.  “A lingua salva a Otero e sálvanos a nós. Por iso estamos acó hoxe”, rematou Ledo Andión o seu discurso de agradecemento no pazo provincial pontevedrés.
 

O ciclo de cinema galego de curta duración Ficciónate vén de presentar os cinco filmes seleccionados para a súa nova edición. Desta vez, o xurado contou coa participación de Adriana Páramo e Pablo Cacheda, directores de Illa Pedra e Superpunky, El Musical, dúas das curtametraxes participantes no pasado ano.

O bolo do pote era o pan de antes. En concreto, o pan de antes, feito con fariña de millo, co que se acompañaba o cocido. Aínda que o seu rastro desapareceu de moitas casas galegas, en Mazaricos existe unha festa dedicada á súa exaltación. Esta fin de semana acadou a súa edición número vinte.
 

O thriller co que Andrés Goteira se estrea como director de longametraxes converteuse este sábado no filme máis premiado da historia dos Mestre Mateo. Dhogs foi vencedor nada menos que en 13 categorías, entre elas a de mellor longa, mellor dirección, mellor guión e mellor montaxe.
 

O primeiro libro sobre os nomes e os enderezos dos criminais fascistas do 36, Os nomes do terror -de autoría colectiva e editado por Sermos Galiza- é finalista na Gala do Libro Galego na nova categoría de divulgación. O redactor de Sermos Galiza Daniel Salgado opta ao premio de xornalismo cultural. Os gañadores se darán a coñecer o 19 de maio.
 

Entre a morea de actos previos ao Día Internacional da Muller Traballadora atópase o debate que, esta sexta feira ás 19.30 horas na Casa das Mulleres Xohana Torres de Compostela tratará sobre a problemática específica da muller na cultura.