cultura

O patrimonio galego relacionado coa emigración e o exilio atravesa intres delicados. O Centro Galego de Bos Aires, obra fundamental de milleiros de galegas e galegos que marcharon á procura dunha vida mellor, atópase en venda. E o Museo Carlos Maside, vencellado ao grupo Sargadelos, e que abeira unha das mellores coleccións de pintura galega do XX, pechado e cuxa conservación se atopa en risco. O Consello da Cultura Galega aprobou esixir á Xunta a máxima protección posíbel para ambas as dúas insitucións.
 

O último número da Murguía. Revista Galega de Historia está dedicado aos exilios. Cunha imaxe de Castelao na cuberta, conta cun estudo de Justo G. Beramendi sobre a influencia don desterro na ideoloxía do rianxeiro.
 

Reflexionar sobre a identidade galega en chave teatral. Ese é o obxectivo do primeiro Grupo DramaturXa, unha experiencia en que dez autoras e autores desenvolverán cadansúa peza teatral a partir do traballo individual e colectivo. Das obras resultantes, tres han de ser escollidas para levar a escena en produción propia do Centro Dramático Galego, impulsor da iniciativa xunto coa Asociación Galega de Dramaturxia DramaturGA.

A filmoteca pública, é dicir, o Centro Galego das Artes da Imaxe (CGAI) da Coruña, inicia mañá un ciclo de filmes dedicados á época en que se escribiu o pergamiño Vindel. “Cinema de temática medieval”, defíneno. Comeza esta terza feira, ás seis da tarde, coa proxección dun título pouco coñecido de John Huston: Un paseo polo amor e a morte (1969).
 

Pablo “Sax” F. Sinde naceu en 1967 en Remkum - Oosterbeek (Holanda); “un lugar arrasado polos nazis”, lembra. Este saxofonista autodidacta (soprano, alto e tenor) curtiuse como músico de rúa, percorrendo a península e parte de Europa, ao tempo que foi colaborando con grupos de rock-blues-jazz e diversos proxectos artísticos.
 

O universo da escultura de Arturo Baltar (Coles, 1924 – Pereiro de Aguiar, 2017) era o dos humildes. Xentes traballadoras, a aldea de posguerra, derrotados, as vítimas dun país negado, a relixión como cultura popular. Menos dun mes despois da súa morte, Ourense en Común vén de anunciar que esixirá no pleno municipal a “apertura de expediente de honra” para o artista.
 

En 1981, e vinculada a unha asociación cultural da Illa de Arousa, nacía a revista Dorna. Expresión poética galega. A máis veterana das publicacións activas dedicadas á poesía vén de colocar nas librarías o seu número 40. Desde o segundo, a facultade de filoloxía da Universidade de Santiago de Compostela faise cargo da edición.
 

A autodenominada Academia Real Isaac Díaz Pardo, en realidade un monllo de amigas e amigos do ilustre intelectual galeguista, celebra este domingo o sexto cabodano do seu pasamento. E farao cun pequeño programa de actos no cemiterio compostelán de Boisaca a partir das doce e media da maña.
 

O Leo (Matamá, Vigo, 1974) ten mil caras, como o verdugo de Negu Gorriak. En Labregos do Tempo dos Sputniks, disoltos hai uns meses, practicaba rock de axitación e combate. Para Das Kapital puxo voz ao xeo electroindustrial. Como O Leo de Matamá reivindica con actitude punk os cantautores politizados de todo o mundo. E vestido de Arremecághona pasea por palcos de toda Galiza unha versión radical, e múltiple, do antifolk.
 

O ano que a Real Academia Galega dedicou a Carlos Casares (1941-2002) chega a termo. Faino con dúas paradas nos alicerces fundamentais do seu traballo: a narrativa e o xornalismo. O suicidio de Jonas Björklund e outras historias e A ledicia de ler titula a editorial Galaxia -da que el mesmo foi director-, dous libros de Casares publicados por primeira vez.
 

No primeiro número do xornal progesista vigués La Oliva, correspondente ao dous de febreiro de 1856, Murguía redactaba unha nota necrolóxica. “Non hai moito que Neyra Mosquera nos abandonou para sempre, o rebuscador das nosas vellas crónicas, o narrador das nosas glorias, esquecido por propios e estraños”, escribía. Falaba do gran romántico, o intelectual que axudou a construír nación como poucos outros: Antonio Neira de Mosquera (Santiago de Compostela, 1823 - A Coruña, 1854).