Entre as nove curtametraxes proxectadas na sección Fetus do Festival de Cinema Fantástico da Coruña FKM, dedicada a novos creadores e obras de baixo orzamaneto, atopábase O cartaz. Obra de Andrés Castro (A Coruña, 1976), crítico cinematográfico de Sermos Galiza, a breve peza encaixa antes no xénero do suspense ca no terror e a ciencia ficción que dominaron o certame.
Coa impronta do Museo Etnográfico creado en 1932 polo Seminario de Estudos Galegos na memoria, inaugurábase o 29 de outubro de 1977 o Museo do Pobo Galego. Unha institución que, 40 anos despois, quere continuar a tomar o pulso do pobo polo que existe.
A obra premiada é ‘Fóra do normal’
Baronesa, da brasileira Juliana Antunes, e La vendedora de fósforos, do arxentino Alejo Moguillansky, veñen de se facer cos principais galardóns da 22 edición do festival de cinema de Ourense, o de mellor filme da competición Óperas Primas e o de mellor filme da competición Iberoamericana, respectivamente.
O pasado 24 de outubro, a asociación cultural Xermolos de Guitiriz fixo 41 anos. Dous días despois, a súa homóloga Val de Láncara comunicáballe a concesión do premio Ramón Piñeiro Facer País. "É un premio compartido, colectivo", apura a aclarar Alfonso Blanco Torrado (Montevideo, 1950), fundador e cabeza visíbel da agrupación. Esa idea, a do esforzo colectivo e de base, percorre as súas explicacións sobre que é e que significa Xermolos.
Arthur Kipps é o trasunto que o inglés Herbert George Wells (1866-1946) escolleu para dar conta dos ecos da súa vida nunha novela. Kipps. Historia dunha alma simple (1905) afástase dos seus traballos como pioneiro da ficción científica e ofrece unha obra de iniciación en que o sistema de clases británico non sae indemne. A editorial Irmás Cartoné vén de publicala en galego.
A tese de que o rock & roll é, en última instancia, unha música de orixe afroamericana tiña en Fats Domino unha proba evidente. Onte morreu, aos 89 anos, en Harvey, Luisiana, onde residía desde que en 2005 abandonara Nova Orleáns. O furacán Katrina devastara a cidade cuxos ritmos Domino introducira na receita orixinal do son que, nos anos 50, mudou para sempre o século XX. Apenas, de entre os pioneiros do rock & roll, sobrevive Jerry Lee Lewis.
P.P. Arnold, heroína do rhythm and blues localizado na Inglaterra dos 60, abre esta quinta feira a o festival Outono Códax en Santiago de Compostela. Celebración das músicas negras de toda condición, polo certame, que acollerá a Sala Capitol e que se estende ate o 18 de novembro, desfilarán bandas de soul, ska, ou rock & roll clasicista.
As singulares aliaxes de documental, cinema de poesía, ficción heterodoxa e arranxos pictóricos que caracterizan os mellores expoñentes do denominado Novo Cinema Galego continúan ofrecendo inesperados froitos. O debut de Álvaro F. Pulpeiro (Foz, 1990), Nocturno: Fantasmas de Mar en Porto, é un dos últimos. Competirá no Festival de Xixón o vindeiro novembro.
Os fíos que unen dous universos poéticos singulares poden non resultar obvios. É o caso dos mundos do chinés Hu Xudong (Chongqing, 1974) e Mário J. Herrero (A Coruña, 1968), que abrirán esta tarde a novena edición do ciclo Poetas Di(n)versos na Coruña. A lingua portuguesa é o factor común.
A viraxe dun dos certames cinematográficos galegos con máis historia consolídase. Na súa edición número 22, que comeza esta sexta feira e dura unha semana, o Festival de Ourense ofrecerá 77 pezas de maís de 23 países. Entre elas, a obra de 15 directoras e directores galegos. E o cinema independente, en diálogo cos avances lingüísticos e estéticos do medio, domina da programación.
A experiencia poética soborda o libro. O poeta chileno Nicanor Parra expúxoo con concisión nun aforismo: "Todo é poesía agás a poesía". Nalgún lugar entre esa afirmación e as praxes performáticas discorren as propostas que o ciclo As voces do corpo achega estes días á Sala Montiel de Compostela da man do selo ChanZo. Poesía en acción, vencellado á editorial Chan da Pólvora.
A Asociación de Escritoras e Escritores en Lingua Galega (AELG) escolle unha das figuras máis populares da literatura actual en lingua catalá para un premio honorífico do que gozan nomes como Mahmud Darwix, Pepetela, Elena Poniatowska, José Luis Sampedro ou Bernardo Atxaga, entre outros.
Lidia Senra, histórica sindicalista agraria e hoxe eurodeputada por AGE en Europa, escolleu unha fouce de entre todas as pezas do Museo do Pobo Galego para disertar no ciclo Temos unha peza. Será esta quinta feira, ás sete da tarde, no museo compostelán.
Vinte e seis compañías de Galiza, Arxentina, Chile, Francia ou Portugal encherán a programación da 22 edición de Galicreques, que comeza este sábado en Santiago de Compostela. Un desfile de xigantes e cabezudos pola cidade vella contra a unha do mediodía será a primeira das máis de 40 funcións da gran festa do monicreque.
As lindes entre ficción e documental son tenues. O cinema contemporáneo esfórzase, hai tempo, en escapar dese binarismo. E o Novo Cinema Galego, a xeración de cineastas que colocou Galiza no mapa de festivais e críticos de todo o mundo, é consciente do movemento de marcos estéticos. Non obstante, entre os numerosos proxectos en marcha, filmes que se verán o ano que vén ou en 2019, abunda o cinema dramatizado, con actores. A ficción.
Os dous días de debate sobre poesía convocados pola Asociación de Escritores en Lingua Galega baixo unha variante do célebre verso de Xohana Torres -Nós tamén navegar- deixaron conclusións. Un ser mutante, definiuna a palestra sobre "innovación poética e trans-xénero". Os participantes recolleron as achegas nun documento que tamén chama á "solidariedade coas escritoras e escritores cataláns que denunciaron recentemente os impedimentos para a súa actividade".
O artigo O segredo mellor gardado levou a primeira edición do premio de xornalismo Manuel Lueiro Rey do Concello de Fornelos de Montes. É obra do escritor e colaborador de Sermos Xoán Carlos Domínguez Alberte (Ramirás, 1966). Cunha prosa tensa, repasa a vida dun avó que combateu por defender as liberdades, "a xustiza social e os seus inmorrentes ideais".
Nos arredores de 1976 publicáronse varias obras decisivas para a poesía galega contemporánea. Con pólvora e magnolias, Seraogna, Herba aquí e acolá, Mesteres ou E direi-vos eu do mister das cobras reconfiguraron o campo do posíbel e despexaron horizontes. Ese é o ano que a Asociación de Escritores en Lingua Galega escolleu para delimitar o congreso en que máis de 30 autoras e autores reflexionarán sobre o estado do xénero. O Congreso vaise realizar esta fin de semana -sexta feira e sábado- no Pazo da cultura de Pontevedra.
O autor de Os restos do día (The remains of the day, 1989) vén de gañar o premio Nobel de literatura. Kazuo Ishiguro, que nacera en Nagasaki en 1954 pero viviu en Londres desde os seis anos, visitou Santiago de Compostela hai dez anos, despois de obter o Premio Novela Europea Casino de Santiago en 2006 por Non me deixes nunca.
