Ana Rodríguez, Felisa Segade, Mercedes Rodríguez, Montse Rivera, Rosario Rodríguez e Patricia Segade conforman desde 1989 o grupo Leilía. Unha das apostas máis relevantes da música folk galega que leva trazando camiños entre a tradición e innovación. Despois dun longo período sen traballo discográfico, pero cunha incansábel presenza nos escenarios, este verán anuncian o seu novo disco coa xira Vidas Cantadas. 'Nós Diario' repasa a andaina de Leilía e mais o futuro con Ana Rodríguez.
No campus sur de Santiago, o Festigal será un lugar de encontro no que escoitar os alalás de Tanxugueiras, reflexionar sobre a situación e futuro da Galiza en palestras ou asistir á presentación de novidades editoriais, todo nun mesmo espazo en que a cativada tamén terá motivos para se divertir e aprender á vez. A festa das ideas, das letras e da canción comezará mañá.
O vindeiro día 23, Quique Peón estreará Endaterra, un musical que percorre as diferentes manifestacións das tradicións a que rodean os Camiños Inglés e o de Muxía. Con máis de 80 persoas en escena, é probabelmente un dos máis grandes retos que enfronta nunha traxectoria ateigada deles.
Durante a súa actuación no festival Femlloc, en Benlloc (Plana Alta, Castelló), axitaron unha estelada e unha estreleira durante o momento máis álxido do concerto, cara ao final da súa canción máis famosa, Terra.
Cristina Pato é moito máis que a gaiteira de cabelo verde sobre cuxa imaxe quizais pesaron moito, nalgúns momentos, os estereotipos. Ademais de desenvolver unha exitosa carreira internacional como pianista está implicada en varios proxectos musicais e educativos alicerzados na responsabilidade social a través das artes. Vén, ademais, de presentar a súa primeira novela, No día do seu enterro (Galaxia), inspirada na memoria do seu pai. Falamos con ela deste libro e da súa traxectoria profesional en xeral.
Saúl Rivas (Lugo, 1983) é o creador detrás de Xeosónica, un proxecto da produtora Undodez que reivindica o valor dos sons accidentais, vinculados ao espazo e entendidos tamén como unha fonte para a creación artística. A idea, que botou a andar cunha axuda á creación dixital do Ministerio de Cultura, trata de pór en valor unha parte do patrimonio natural e cultural da Galiza pouco representado e recoñecido. Ademais dos actos públicos que terán lugar ao longo do mes de xullo, a produción é accesíbel a través da súa web xeosonica.gal.
A banda Piratas sen parche vén de estrear 'Eduardita', unha canción dedicada a a Blanco Amor que busca recuperar a figura do escritor para o colectivo LGBTIQA+ e fornecer a memoria diversa da Galiza a través da música. Música feita desde as marxes para as marxes, "pero tamén para o centro. A necesidade de referentes é vital".
O tema 'Ai-Lalelo', imitando a participación das Tanxugueiras no Festival de Benidorm, foi o máis valorado pola audiencia e o terceiro que máis votos recibiu do xurado.
As agrupacións populares reivindican o seu legado artístico, social e educativo como Ben de Interese Cultural. O PP vén de reixeitar na Cámara galega unha proposta do BNG para incoar o expediente que permitiría este recoñecemento.
Beatriz Martínez, unha das figuras con máis proxección na Galiza no eido da arpa céltica, presenta o seu primeiro CD en solitario, Tal como as nubes, dentro da programación do Noia Harp Fest (4 de agosto, Xardíns da Central do Tambre, Noia, 19.30 horas). Martínez ten dado concertos en solitario ou formando parte do Rodrigo Romaní Trío e figurado nos carteis do Edinburgh Folk Harp Festival ou do Intercéltico de Lorient. Tanto no festival como nas presentacións que terán lugar estes días en Braga e Porto estará acompañada ao bouzouki e á guitarra clásica polo tamén membro de Sondeseu e Ghaveta: Diego Langarica. En conversa con 'Nós Diario' explica como foron os seus inicios e a razón de estrearse cun traballo discográfico en solitario.
A carballeira do Souto de Chousa da Porta, en Moneixas (Lalín), acollerá a Foliada da Memoria, para recuperar a lembranza dos artistas represaliados polo franquismo, con Xurxo Souto como mestre de cerimonias.
Na edición deste ano actuarán as formacións Límbico e Xacobe Martínez Antelo Quinteto. Poderán verse os documentais sobre Thelonious Monk e Keith Jarrett.
Fusionar estilos, combinar xeracións, xuntar artistas de diferentes tradicións. O ciclo Os Xoves de Códax, que ofrecerá cinco concertos entre xullo e agosto, aposta pola hibridación como ferramenta para crear novos paradigmas musicais. E pola maridaxe entre música e viño como forma de desfrutalos.
O coordinador do proxecto, Joel Cava, remarcou que este tema, xerado por Intelixencia Artificial "reivindica a tradición e innovación da cultura galega".