música

O festival organizado pola agrupación comeza a súa IX edición este sábado en Lugo. As actuacións decorrerán até o 18 de decembro. Esta inauguración coincide co nomeamento de colectivo como delegación no Estado español da International Society of Contemporary Music.

Cómpre reflexionar sobre as músicas atopadas neste 2021, así que a colaboración de hoxe vén sendo unha especie de compendio.

Será só un petisco do documental que o grupo impulsor deste proxecto audiovisual lanzará a primeiros de decembro.

. Como o mesmo Xiao di, Cas Berlai é un canto á rutina, á beleza do cotián. Mais non vos deixedes enganar: as letras teñen moi pouco de lixeiras e, como sempre, convídanos a meternos de cheo e furgar ben nelas.

A Gala da Memoria sumou voces para "honrar e non esquecer". A iniciativa foi do departamento de Memoria Histórica da Deputación, que busca novas fórmulas para achegar a historia á mocidade.

Un cartel de luxo confluirá na capital galega a partir do 11 deste mes

Pódese dicir que Clark estivo na fundación desa metamorfose das vellas músicas do Sur dos EEUU denominada "Americana". Mais Guy e Susanna foron tamén anfitrións xenerosos de toda unha nómina de artistas única: Waylon Janning, Emmylou Harris, John Prine, Steve Early, Townes van Zandt… 

O festival de música decorrerá entre esta sexta feira, 5 de novembro, e o próximo día 21. Os concertos terán lugar tanto no Círculo das Artes como no Club Clavincémbalo e, en xeral, as entradas serán de pago. Entre os artistas e bandas galegas destacadas están o Abe Rábade Trío (13 novembro) e o Xacobe Martínez Antelo Quintet (11 novembro).

O popular cantante morreu nun hospital madrileño, ao que acudira para someterse a unha operación de cadeira

 

Videoclip realizado por Sandra Romero & Os Vacalouras Gravado no monte da Guía (Teis)

O grupo pasou cinco días atrapado no país africano.

Onte mesmo falaba co meu compañeiro Gus do moito que me custa entender certas mentalidades. Existe unha fenda xeracional na música galega. Entendo que é difícil entender o que non se viviu e é difícil valorar as cousas doutro xeito. Vivimos tempos duros para a mocidade. Pouco a pouco a vida dixital vaille comendo espazo á vida real. Aínda que algúns se sintan cómodos nese ámbito, desde o meu punto de vista, non deixa de ser unha vida fake, un autoengano, unha vida baleira, capitalismo new age e control de masas.

Dicir que bmp é un disco jazzístico non é faltar a verdade, mais tampouco dá conta da amplitude dos rexistros nos que se apoia. Salvador Sobral móvese no terreo do pop, mais reviste as súas melodías dun envoltorio musical complexo, plural e cheo de capas que o emparentan con múltiplos xéneros. En realidade, o que importa é que este vén sendo o disco máis completo da súa carreira, e iso coincide con ser tamén o primeiro composto e escrito na súa totalidade polo propio Sobral (sempre coa complicidade do seu parceiro Leo Aldrey). Algo haberá aí de crecemento persoal.

O estudo que produce ao artista confía en que tanto este coma o seu equipo poidan marchar do país coa apertura do aeroporto de Xartum, prevista para finais de semana. Garanten que a delegación galega, que se atopaba na zona por traballo, está "ben e segura".

Esta fin de semana na Fundación Luís Seoane

Dun deixarse fluír entre estilos e sonoridades nace 'Carreiro', o primeiro traballo de estudio de Peña. Un álbum diferente que se mergulla até os sons máis primitivos e orgánicos para ofrecer ao público uns arranxos case imposíbeis. Unha aposta das máis atrevidas que ten o amor como eixe vertebrador.

O Museo do Pobo Galego promove o festival Soa Bonaval que decorrerá nos días 22, 23 e 24 en Compostela. A iniciativa, que foi presentada esta terza feira, aposta nos “sons de raíz, o local e a cultura propias”. Nesta primeira edición contará con invitados como o produtor Raül Refree, que contará máis do seu proxecto que inclúe música tradicional galega.

Este sábado comeza o Festival Vertixe Sonora.

Nun acto realizado nas Bodegas Martín Códax, en Cambados, a organización dos Premios Martín Códax da Música anunciou na tarde de hoxe as 51 bandas e artistas que pasan á última fase de votación. Consulta aquí as finalistas.