A CIG convoca mobilizacións nas sete cidades galegas contra a "carestía da vida"

A Confederación Intersindical Galega (CIG) convocou para esta cuarta feira día 4 de outubro, asembleas de delegadas e delegados para analizar a actual situación económica, laboral e social. Ao seu remate, están previstas concentracións simultáneas, nas sete cidades, ás 12 horas. A central sindical denuncia o “gravísimo incremento dos prezos dos produtos de primeira necesidade, que está provocando, á súa vez un medre desbocado da inflación”. Unha situación que, xunto a suba do euribor e, en consecuencia das hipotecas, está afogando economicamente as familias e a clase traballadora no seu conxunto.