Critican que dúas enfermeiras do Hospital de Verín pasarán de Urxencias a facer traslados en ambulancias

O sindicato de Enfermería Satse esixe á Xerencia da Área Sanitaria de Ourense que anule a orde de que dúas enfermeiras do Hospital de Verín pasen de prestar servizos en Urxencias a realizar traslados en ambulancias. Se non, ameaza con recorrer á Inspección. A través dun comunicado, a organización advirte que un servizo "esencial" na comarca, como é o de Urxencias, "non pode sufrir un recorte deste calado de ningún modo". Diminuír unha enfermeira pola mañá e outra pola tarde vai xerar "un claro risco asistencial", advirte o sindicato.