No Estado español celebran o 'Día dos Inocentes', un 28 de decembro que dá para brincadeiras, enganos, chuflas, e mesmo galas na televisión. No Estado español e América Latina é costume que nesa data haxa brincadeiras de todo tipo, mesmo nos medios de comunicación.
Porén, malia que poida semellar que o 28 de decembro se celebra en todo o mundo, é unha data restrinxida ao mundo da hispanidade.
De feito, en países europeos como Alemaña, Reino Unido (April Fool´s Day), Portugal, Polonia, Italia, Austria, Finlandia ou Francia (Poisson d´avril), o 28 de decembro é simplemente un día máis do ano.
Na Galiza, este día que se podería comparar co 'Día dos inocentes' hispano, é o día 1 de abril.
'O un de abril van os burros onde non deben ir". Este refrán galego indica ás claras que a tradición de xogar aos enganos e facer bromas no primeiro de abril.
En todo o mundo máis de 20 países conmemoran no 1 de abril o día das brincadeiras.
Xa o dicía Otero Pedraio
En Historia de Galiza, Ramón Otero Pedraio sinala o 1 de abril como o día das brincadeiras e das trampas e recolle unha tradición que, malia esmorecer nas últimas décadas, aínda se mantén.
![Número de exemplares diarios de pago ordinario (subscricións e venda directa). [Fonte: OJD]](/asset/zoomcrop,480,270,center,center/media/nosdiario/images/2024/05/10/2024051022053788447.jpg)
