ensino

A concertada, en comparación coa pública, escolariza nunha proporción moito menor ao alumnado de renda baixa e orixe migrante, o cal "dana de forma significativa a igualdade de oportunidades e a equidade", sinala a institución.

Unha placa sinaliza o antigo local situado na Coruña.

O período de adaptación para 4º curso de Educación Infantil non se prolongará máis aló do 17 de setembro.

A entidade educativa popular e o goberno municipal herculino organizan o próximo 23 de Abril un acto de homenaxe que incluirá a instalación dunha placa conmemorativa no lugar onde se localizaba a primeira sede do centro educativo Irmandiño.

Esta quinta feira dará comezo a segunda edición da Feira da Sostibilidade organizada polo colectivo de alumnado e profesorado Eco-Étika e que decorrerá no IES Luís Seoane, en Pontevedra, durante os días 18, 19 e 22 de abril. O colectivo Eko-Étika desenvolveu o curso pasado unha primeira edición da Feira da Sostibilidade -galardoada co premio á Innovación Educativa da Xunta da Galiza-, a cal se converteu no primeiro espazo de encontro na Galiza que une comunidades educativas, institucións, asociacións ou comercios de proximidade nun mesmo espazo coa intención de tecer redes asociativas críticas e activas para traballar de forma conxunta por construír unha sociedade sostíbel.

Concentracións nos centros educativos convocadas polo colectivo Docentes con Palestina, unha iniciativa que busca comprometer o sistema educativo coa defensa dos dereitos humanos e a denuncia do xenocidio que Israel está executando en Gaza.

O investimento público no ensino na Galiza aumenta mais faino moi por baixo da media do conxunto do resto de comunidades, de tal forma que o incremento do gasto educativo no país é o máis baixo entre os 17 territorios.

O profesor rexeita corrixir a proba por non estar en español.

Un total de 46.500 alumnos e alumnas, entre as 21.600 de 4º de Educación Primaria e 24.900 de 2º da ESO, comezaron esta cuarta feira as avaliacións de diagnóstico fixadas polo Ministerio de Educación a través da actual lei educativa, que proseguen na quinta. Após avaliárense ao longo da xornada de hoxe as competencias en lingua e literatura galega e castelán, esta quinta feira ocuparanse da lingua estranxeira e as matemáticas. Cada proba dura un máximo de 75 minutos e hai un descanso de media hora entre exames.

Tras certificar o bo estado do animal, foi liberado nas inmediacións do Masma.

As Xornadas de Lingua e Literatura impulsadas pola Asociación Socio-Pedagóxica Galega (AS-PG) máis a CIG-Ensino chegan este sábado, 13 de abril, á súa edición 33. A iniciativa procura unha achega positiva ao profesorado, no camiño da normalización e do descubrimento de novas metodoloxías de ensino.

As probas para as 1.743 prazas convocadas (123 reservadas para as persoas con discapacidade) desenvolveranse a partir do 22 de xuño en diferentes localidades, que se concretarán nas próximas semanas.

Hai 100 anos, en abril de 1924 botaron a andar na Coruña, animadas por Ánxel Casal (1895-1936), as "Escolas do Insiño Galego". Concibíronse como exemplo do que as Irmandades podían facer para romperen as ataduras con que o ensino oficial mantiña excluídos das aulas nesa época o idioma propio do país e numerosos aspectos do seu devir histórico, da súa realidade xeográfica e do seu específico medio natural.

Familias defenden a opción de que os seus fillos e fillas poidan ter un menú "100% vexetal", abrindo así un debate ao respecto.

As transferencias da Xunta da Galiza a centros educativos de titularidade privada aumentou en 44% nunha década, segundo se desprende da Estatística do gasto público en educación que o Goberno español publicou o pasado 28 de marzo. Unha década na que o investimento público no ensino por parte do Executivo galego tivo un incremento menor, 26,5%.

O Xulgado de Instrución número 2 de Lugo abriu dilixencias, por un presunto delito de inxurias e calumnias, contra a nai e a avoa dunha nena que acusaron a unha das profesoras do centro educativo ao que asiste a menor de maltratala e envelenala. A docente, a quen as dúas mulleres culparon en reiteradas ocasións de someter á menor a diferentes tipos de malos tratos e de tentar envelenala, foi quen presentou a denuncia ao sentirse prexudicada por estas acusacións.

Crianzas de 10 e 11 anos espallan a lingua propia con xogos e convites. "Vemos como nenas e nenos galegofalantes que antes eran sempre quen cambiaban de lingua, agora ven que poden falar en galego e que son os compañeiros e as compañeiras as que lles responden nesta lingua", sinala a mestra Rosa Suárez Veiga.

 "Cando a Xunta achega os seus datos e di que 94% do alumnado na Galiza está na educación inclusiva minte", sentencia Delmiro Prieto, presidente da Federación Down Galiza.