Recibiu os votos a prol de Esquerra Republicana, que recupera a presidencia máis de catro décadas despois, Junts per Catalunya e a CUP
Pere Aragonés e Jordi Sànchez desbloquearon a investidura en negociacións esta fin de semana.
Despois dunhas negociacións embarrancadas no apartado referente ao papel do Consello pola República liderado por Carles Puigdemont, ERC traballa para fechar canto antes a investidura de Pere Aragonès cun Goberno en solitario. Para apoiar esta opción, Junts exixe agora un acordo con En Comú Podem.
A negociación entre ERC e Junts comeza a súa fase final cunha xuntanza na prisión de Lledoners, onde se atopan os presos políticos Jordi Sànchez e Oriol Junqueras. Na orde do día estaba o debate sobre a nova arquitectura do Goberno catalán, un dos puntos por fechar para que Pere Aragonès sexa investido presidente.
"Non termos chegado a facer unha investidura quere dicir que continuamos a matarnos entre nós”, lamentou o ex president catalán Quim Torra, que empraza Junts e ERC a rexeitar os acordos bilaterais e a tecer un acordo "estábel de todo o independentismo con toda a pluralidade e diversidade" coa maior celeridade. Pola súa banda, a portavoz de ERC, Marta Vilalta, garante que o acordo que Esquerra alcanzou coa CUP será integramente cumprido e que non se modificará ningún punto tras o eventual pacto de Govern ao que cheguen con Junts.
Coa sesión de investidura marcada para esta sexta feira aínda está pendente o acordo con JxCat, que continúa as negociacións con ERC e é imprescindíbel para investir como presidente a Pere Aragonès.
Republicanos e anticapitalistas ultiman un acordo que sitúa o referendo como o seguinte "embate democrático" e engade máis presión a Junts de cara á negociación.
