Semana da Prensa na Escola

O IES do Barral de Ponteareas (O Condado) conta con diversas subscricións a Nós Diario. Cada día recibimos no centro varios exemplares, polo que decidimos realizar unha reportaxe sobre a súa pegada nas aulas coas opinións achegadas polo alumnado e o equipo docente que dá vida a este medio.

Con motivo da Semana da Prensa na Escola, que chega á súa fin, e do Día da Muller Traballadora, a directora de Nós Diario, María Obelleiro, visitou esta quinta feira o Centro Público Integrado (CPI) do Toural de Vilaboa (comarca de Pontevedra), cuxas alumnas e alumnos de Infantil e Primaria coñeceron como se realiza o único diario en papel en galego. O alumnado, que entrevistou a directora, descubriu o proceso de creación de Nós Diario e gozou, sobre todo, cando chegou o momento de cubrir unha portada ficticia con noticias desexadas como "a fin das guerras", "a fin do machismo", "a fin dos eucaliptos", "non haberá máis terremotos como o de Marrocos", "non haberá máis eólicos" ou outras de contido local como "comeza a tempada de furanchos en Vilaboa". 

O CPI de Xanceda, en Mesía, comarca de Ordes, conta cunha subscrición anual a Nós Diario que achega o xornal en papel de forma recorrente aos catro cursos da ESO. Docentes e alumnado recoñecen na prensa escrita unha ferramenta esencial para a adquisición de competencias chave.

Alumnado de 1º da ESO do IES A Cachada de Boiro (O Barbanza) asina a segunda entrega do especial Semana da Prensa na Escola que 'Nós Diario' publica estes días para dar a coñecer as moitas posibilidades que ofrece a prensa escrita nas aulas e o traballo que as estudantes realizan nos centros de ensino.

Até o 8 de marzo o ensino galego conmemora a Semana da Prensa na Escola, unha iniciativa que convida a encher as aulas de xornais e a reparar na capacidade dos medios de comunicación como ferramentas didácticas e de información. 'Nós Diario' fai parte desta proposta en centros de todo o país.