Publicidade 196560

Volodimir Zelenski

A finais de abril, o secretario de Estado estadounidense, Antony Blinken, desprazouse á China para “socavar” a relación entre o país asiático e o seu aliado ruso, sinalou a axencia Reuters, que a quinta feira admitiu que “parece que foi un intento falido” após a chegada a Beijing, a capital chinesa, do líder ruso, Vladimir Putin, na súa primeira visita de Estado, que remata hoxe, após a súa toma de posesión a semana pasada, logo de revalidar o cargo. Tras aterrar, Putin e o seu homólogo chinés, Xi Jinping, asinaron unha declaración conxunta co acordo de “profundar” a súa “asociación estratéxica” a raíz do 75 aniversario do estabelecemento de relacións diplomáticas. Esta data “é un novo punto de partida para crear maiores sinerxías nas estratexias de desenvolvemento e continuar enriquecendo a cooperación bilateral”, sostivo Xi, que antes da rúbrica transmitiu a Putin que “somos un bo exemplo para outras potencias en canto a respecto e franqueza”, nunha relación que “favorece a paz, a estabilidade e a prosperidade da rexión e do mundo”. Tamén fixo fincapé nas súas relacións, que “pese a algúns altibaixos” foron “fortalecéndose e resistiron a proba do cambiante panorama internacional”, lembrando que se reuniu con Putin “máis de 40 veces” e destacando a súa colaboración nunha “orientación estratéxica” que “asegurou o desenvolvemento sólido, estábel e fluído dos nosos lazos”, chaves para “defender a xustiza" no planeta. Pola súa parte, Putin salientou que “non son oportunistas nin dirixidas contra ninguén”, e reiterou que “a nosa cooperación en asuntos internacionais é un dos factores de estabilidade na escena mundial”, póndoa como “exemplo de como se deben construír vínculos entre Estados veciños” e citando o fortalecemento dos vencellos na cooperación nuclear, enerxética ou na subministración de alimentos. No tocante á enerxía, medios internacionais apuntaron como un dos posíbeis asuntos que se trataron o referente á proposta de gasoduto Poder de Siberia 2, que uniría Rusia e a China a través de Mongolia e que permitiría enviar 50.000 millóns de metros cúbicos de gas natural por ano. En 2023, Rusia converteuse no principal provedor petrolífero chinés, desprazando Arabia Saudita tras redirixir as súas operacións comerciais por mor das sancións coercitivas implementadas contra o país por Estados membros ou da contorna da Organización do Tratado do Atlántico Norte (OTAN) pola invasión de Ucraína. Asemade, o líder ruso defendeu a colaboración no ámbito dos coches eléctricos, dando os parabéns á China por “un éxito claro e moi obvio” neste campo, poucos días despois de que os Estados Unidos anunciaran que elevarían os aranceis aos vehículos eléctricos chineses a 102,5%, aducindo que buscan protexer sectores “vitais” para a “seguridade nacional”. Amais dos acordos de colaboración en diversos sectores, como a intensificación dos lazos militares, Xi e Putin tamén pactaron “promover a multipolaridade e a globalización” e coordinarse en institucións internacionais como a Organización das Nacións Unidas (ONU) para “conducir a xestión global na dirección correcta”, así como “reformar e despolitizar institucións multilaterais como a Organización Mundial do Comercio (OMC) ou o G20” para “adecualas ás realidades modernas”. Presión occidental contra a China Artyom Lukin, docente da Universidade Federal do Extremo Oriente rusa, explicou ao xornal South China Morning Post que a visita “ten unha importancia pouco usual” e podería “definir a dirección futura dos lazos sino-rusos no futuro previsíbel”, no contexto da presión dos Estados Unidos para que Beijing limite o comercio con Moscova de bens de dobre uso (civil e militar), o que “equivale á exixencia dun embargo xeral sobre o comercio con Rusia”. Nese sentido, Li Mingjiang, profesor da Universidade Tecnolóxica de Nanyang, en Singapur, considerou “pouco probábel” que o país asiático efectúe concesións relevantes a Washington, apuntando que as “tácticas de presión” occidental xerarán incerteza nas relacións bilaterais. O comercio sino-ruso pasou de 133.000 millóns de euros en 2021 a 220.000 millóns o pasado ano, e Putin aseverou que 90% dos acordos comerciais realízase nas súas propias moedas, avanzando coa desdolarización. Sexa como for, ambos os líderes exhibiron o seu aliñamento nas cuestións internacionais, concordando en que é “extremadamente urxente” resolver a agresión militar israelí contra o territorio palestino de Gaza, insistindo no seu apoio á “solución de dous Estados” e á implementación das resolucións da ONU ao respecto, organismo cuxo Consello de Seguridade exixiu un alto o fogo, detallou Xi. Sobre Ucraína, subliñou que están de acordo en que “unha solución política á crise” é a “dirección correcta”, demandando “respecto para a integridade territorial de todos os países” e as “lexítimas preocupacións de seguridade de todas as partes”, ao que Putin contestou remarcando que é un enfoque que evita a “mentalidade da Guerra Fría”. Zelenski admite a "difícil" situación en Khárkiv O presidente ucraíno, Volodimir Zelenski, estivo a quinta feira na rexión de Khárkiv, onde indicou que a zona está “en xeneral baixo control”, mais recoñecendo unha situación “extremadamente difícil”. Ademais, militares de Kíiv afirmaron á axencia AP que frearon os avances de Rusia en Vovchansk, o que foi rebatido polas autoridades rusas. En todo caso, o pro occidental Instituto para o Estudo da Guerra debullou que o ritmo das operacións rusas “continúa diminuíndo” logo de facerse coas áreas fronteirizas menos defendidas, o que é coherente coa prioridade que outorga Moscova a crear unha zona de amortecemento que free os ataques ucraínos contra Belgorod, a cidade rusa máis próxima á fronteira. A prensa ucraína arremeteu contra a corrupción no país, cuestionando onde están os cartos dedicados a defensas militares que non foron finalmente desenvoltas. Unha análise levada a cabo onte pola axencia AFP con datos do Instituto cifra en 257 km cadrados a área tomada polas tropas rusas desde o comezo da operación a finais da semana pasada até a cuarta feira, que abriu unha nova fronte de guerra, en Khárkiv. No resto de frontes a progresión foi de 21 km cadrados, incluído Robotine, a principal localidade tomada por Ucraína na súa falida contraofensiva de 2023. Vladimir Putin, presidente ruso, e Xi Jinping, o seu homólogo chinés, a quinta feira en Beijing, a capital da China. (Foto: Kremlin / DPA vía Europa Press)
star
INTERNACIONAL

A China e Rusia "profundarán" na súa cooperación e coordinaranse para "conducir a xestión global na dirección correcta"

André Mauricio 16/maio/24
O presidente ruso, Vladimir Putin, chegou á China para unha visita de Estado de dous días.
Volodimir Zelenski recibiu o pasado ano en Kíiv a Pedro Sánchez. (Foto: Borja Puig de la Bellacasa / Pool vía Europa Press)
INTERNACIONAL

Zelenski viaxará a Madrid para asinar un "acordo bilateral de seguridade" con Sánchez

Redacción 13/maio/24
Outros países como Reino Unido, Alemaña, Francia ou Italia xa asinaron os seus respectivos pactos con Ucraína.

Seguridade 360º

Millán Fernández 15/mar./24
O presidente ucraíno, Volodimir Zelenski, visitando as súas tropas na liña de fronte. (Foto: Presidencia de Ucraína vía DPA)
INTERNACIONAL

Zelenski e Mitsotakis líbranse por 150 metros dun ataque a Odesa

André Mauricio 06/mar./24
Rusia rexeita as medidas da Corte Penal Internacional.
O presidente ucraíno, Volodimir Zelenski, e Valeri Zaluzhni. (Foto: Presidencia de Ucraína)
Agora

Zelenski destitúe Zaluzhni, que lideraba até o de agora as Forzas Armadas de Ucraína

Redacción 08/feb./24

Despois de multiplicarse nos últimos días os rumores ao respecto, o presidente ucraíno, Volodimir Zelenski, resolveu hoxe destituír Valeri Zaluzhni, que encabezaba as Forzas Armadas do país eslavo, e que foi substituído por Oleksander Sirskii, que lideraba as forzas terrestres. Zelenski e o xa ex responsábel do Exército tiveron varios choques a partir do fracaso da contraofensiva militar ucraína do pasado ano.

O presidente de Ucraína, Volodimir Zelenski. (Foto: Presidencia de Ucraína)
INTERNACIONAL

As Forzas Armadas rusas, perto de facerse co control de Avdivka

Redacción 05/feb./24
Zelenski abre a porta a cambios entre os "dirixentes do Estado".
A presidenta da Comisión Europea, Ursula von der Leyen. (Foto: Michele Nucci / Europa Press / Contacto)
INTERNACIONAL

50.000 millóns en xogo: a UE sabotará a economía húngara se Orbán bloquea a axuda a Ucraína

Redacción 29/xan./24
Orbán rexeitou aceptar a medida entrementres sigan bloqueados fondos da UE destinados a Hungría que Bruxelas conxelou entre demandas para garantir a independencia xudicial húngara.
O presidente ucraíno Volodimir Zelenski o pasado domingo. (Foto: Presidencia de Ucraína / Europa Press / Contacto)
Agora

Zelenski pide aos ucraínos que saíron do Estado que volvan para axudar na guerra

Redacción 11/xan./24
O presidente de Ucraína, Volodimir Zelenski, dirixiuse esta quinta feira a todos aqueles ucraínos en idade de servir nas Forzas Armadas que "cruzaron a fronteira violando as regras" para reclamarlles que regresen e axuden ao Estado. "Os nosos mozos estiveron loitando durante dous anos e neste tempo, dígoo francamente, hai persoas que cruzaron a fronteira violando as regras", dixo. "Deben axudar Ucraína, deben estar en Ucraína", concluíu.
O atacante mostrando as granadas antes de detonalas. (Foto: Policía de Transcarpatia)
VÍDEO NO INTERIOR

O momento no que un concelleiro ucraíno do partido de Zelenski fai explotar varias granadas nun pleno

Redacción 15/dec./23
As autoridades de Ucraína investigan o suceso como un posíbel atentado terrorista.
Vitali Klitschko. alcalde de Kíiv (Foto: Kay Nietfeld / dpa).
INTERNACIONAL

O alcalde de Kíiv carga contra Zelenski: "Non se pode mentir todo o tempo"

Redacción 04/dec./23
O rexedor da capital ucraína pediu a Zelenski "honestidade" sobre a auténtica situación tras o inicio do conflicto e sinalou que "Zelenski está a pagar polos erros que cometeu".

Rethink

Millán Fernández 10/nov./23
O presidente de Ucraína, Volodimir Zelenski, a finais de outubro. (Foto: Presidencia de Ucraína / Europa Press / Contacto)
INTERNACIONAL

Kíiv recoñece que 19 militares faleceron durante un ataque ruso nunha cerimonia de premios

Redacción 06/nov./23
As tropas rusas intentan cercar Avdivka, na rexión de Donetsk.
Vladimir Putin a segunda feira. (Foto: Kremlin / DPA)
INTERNACIONAL

Rusia afirma que a contraofensiva de Kíiv xa se pode dar por "completada"

Redacción 13/out./23
Zelenski evita contestar as afirmacións de Moscova na súa visita a Odesa.
Volodimir Zelenski (Ucraína) e Jens Stoltenberg (OTAN), esta cuarta feira (OTAN / DPA).
INTERNACIONAL

Estados da OTAN anuncian axuda bélica ante as dúbidas de Zelenski sobre o apoio militar

Ricardo Suárez 11/out./23
Varios aliados prometen grandes arsenais a Ucraína.

Erguer o polgar?

Millán Fernández 29/set./23
O até o domingo ministro de Defensa de Ucraína, Oleksei Reznikov. (Foto: Nina Liashonok / Contacto via Europa Press)
INTERNACIONAL

Zelenski destitúe o seu ministro de Defensa após numerosos escándalos de corrupción

Redacción 04/set./23
Rustem Umerov será quen substitúa, se así ratifica o Parlamento os desexos do presidente, un Oleksii Reznikov cuxo nome levaba semanas nas quinielas para abandonar o cargo que ostentou desde antes do estoupido da guerra.
O ministro de Defensa Ruso, Sergei Shoigu (Foto: Kremlin).
INTERNACIONAL

Rusia afirma que o levantamento de Wagner non afectou á ofensiva

Redacción 03/xul./23
Ucraína di que a resposta rusa ante o golpe foi "débil".
Zelenski e Sunak, esta segunda feira. (Foto: Carl Court / Pa Wire / Dpa)
INTERNACIONAL

Os líderes europeos prometen máis armamento para Ucraína

Redacción 15/maio/23
Zelenski finaliza a súa xeira de xuntanzas en Europa.
O presidente de Ucraína, Volodimir Zelenski (Foto: Ukraine Presidency / Planet Pix vi / DPA)
INTERNACIONAL

Zelenski tacha de "terroristas" todos os militares rusos, non só os mandos

Redacción 30/abr./23
Unha avaliación do Ministerio de Defensa británico asegura que os comandantes rusos endureceron significativamente os castigos disciplinarios aos seus subordinados desde o comezo de ano.

Falar para a paz

Editorial 27/abr./23
Publicidade 196560