Tres feridos nunha colisión entre dous coches en Saiáns, Vigo

Tres persoas resultaron feridas nunha colisión de dous coches rexistrada na estrada de Camposancos ao seu paso por Saiáns, no municipio de Vigo. Segundo informou o CIAE 112 Galiza, o sinistro produciuse esta sexta feira e foi necesaria a intervención dos bombeiros para excarcerar un dos ocupantes dos turismos implicados. Unha vez liberada a vítima, os servizos de Urxencias Sanitarias 061 trasladaron ás tres persoas feridas o centro hospitalario de referencia.