![Nós Diario](/media/nosdiario/images/2023/01/10/2023011017211925549.png)
Redacción
13/out./23 - 19:39
Actualizado: 13/out./23 - 19:39
Tres persoas resultaron feridas nunha colisión de dous coches rexistrada na estrada de Camposancos ao seu paso por Saiáns, no municipio de Vigo. Segundo informou o CIAE 112 Galiza, o sinistro produciuse esta sexta feira e foi necesaria a intervención dos bombeiros para excarcerar un dos ocupantes dos turismos implicados. Unha vez liberada a vítima, os servizos de Urxencias Sanitarias 061 trasladaron ás tres persoas feridas o centro hospitalario de referencia.