![Nós Diario](/media/nosdiario/images/2023/01/10/2023011017211925549.png)
Redacción
08/xuño/24 - 13:12
Actualizado: 08/xuño/24 - 13:12
Un armador de 43 anos do porto de Celeiro (Viveiro, A Mariña), Santiago Díaz, e natural de Xove, na mesma comarca, faleceu por causas naturais cando se dirixía en barco a faenar no Gran Sol, segundo confirmaron fontes da confraría de Celeiro. O home faleceu por causas naturais esta sexta feira, cando o barco decidiu dar a volta e regresar ao porto de Celeiro, onde prevese que chegue na tarde deste sábado. Tal e como avanzou 'El Progreso' e confirmaron a Europa Press fontes do depósito, este home é armador de varios buques e atopábase navegando a bordo do volantero O Chicote.