A xustiza polaca prolonga a prisión de Pablo González por oitava vez
16 de febreiro de 2024 (09:26 h.)
Pablo González permanece encarcerado tras a súa detención en Polonia o 28 de febreiro de 2022. O xornalista vasco, que posúe a dobre nacionalidade española e rusa, está acusado de ser espía ruso mentres informaba sobre a chegada de refuxiados ucraínos a territorio polaco tras o estalido da guerra. Primeiro, foi detido durante un mes nunha prisión de Rzeszów e despois trasladado a outra prisión de Radom. Alí estivo encarcerado nunha cela de máxima seguridade en illamento até hoxe.