Unha antiga ferraxería acolle a exposición “elas som eu”
Unha antiga ferraxería convértese nunha sala de exposicións que acolle agora a mostra “elas som eu”, dentro da edición feminista do Festival das Brétemas. O traballo colectivo explica como o espazo abandonado onde antes se vendían cravos,martelos ou parafusos é agora un centro cultural autoxestionado.
Colectiva é a mostra “elas som eu”, colectivo o seu concepto e colectivo o traballo que converteu a ferraxería Mariño de Ponteareas, un establecemento abandonado, no espazo cultural no que agora o Festival das Brétemas abre este día 2 de maio ás 20.00 horas unha exposición fotográfica dentro do programa desta nova edición que ten o feminismo como protagonista.
Cun espazo cedido no que a intervención foi xa tornalo en sala expositiva, a mostra estará aberta até o 31 de maio con obras das artistas Pilar Abades, Sabela Iglesias, Silvia Mella e Xiana Quintás, nun proxecto que está ao coidado de Alba Marinha e Pablo Prado. A “auto-definición”, o “auto-retrato”sen caer no personalismo é a proposta que reúne esta colectánea na que as mulleres tórnanse en protagonistas, “aquelas mediante as cales as artistas se ven e se escrutan, tanto a elas mesmas como ás súas contornas vitais. “Elas son eu”procura a pegada feminina como “chave para entender esta introspección”.
O propio espazo, no que a memoria dos m