París 2024
Así queda o medalleiro olímpico: consulta os resultados completos
11 de agosto de 2024 (22:14 h.)
Finalmente os Estados Unidos adiantan China e fican á cabeza do medalleiro de París 2024.
Foi unha batalla axustada até o final e que se decidiu este mesmo domingo, último día destes Xogos Olímpicos, pero finalmente os Estados Unidos adiantan China e fican á cabeza do medalleiro de París 2024... iso si, cos mesmos ouros: un total de 40 en cada caso. Porén, a delegación estadounidense obtivo máis pratas e bronces que a chinesa, polo que garante ese primeiro posto no desempate.
As e os deportistas da Galiza, se contamos os nados noutras partes do Estado español pero que compiten con licenza galega ou son considerados pola Xunta deportistas galegos de alto nivel (DGAN), obtiveron un total de cinco medallas de bronce —en Toquio foran tres pratas e tres bronces—, ás que se engaden outros once diplomas olímpicos.