Iniesta pon data á súa retirada: "Proximamante, o 8 de outubro"
01 de outubro de 2024 (11:48 h.)
O ex futbolista do FC Barcelona anunciou nas súas redes sociais que a vindeira semana dará máis detalles sobre o seu futuro.
Andrés Iniesta anunciará o próximo día 8 a súa retirada do fútbol profesional. Así se desprende da mensaxe que esta terza feira compartiu nas súas redes sociais na que empraza a afección a un acto en Barcelona, o vindeiro día 8, no que dará conta dos seus plans de futuro.
O xogador manchego retírase tras unha carreira de éxito con 38 títulos: 32 co Barça, tres co Vissel Kobe e tres coa selección española, con dúas Eurocopas e, especialmente, un Mundial, o de Suráfrica en 2010 no que co seu gol na final fronte a Países Baixos, logrou para o equipo o título de campión.
Iniesta vén de fechar a súa etapa profesional como futbolista nos Emiratos Árabes, onde fixo 40 anos como xogador en activo. Ao final da temporada pasada ficou sen equipo.