Lendoiro: “Aquí ninguén levou un euro. E ninguén ousa dicilo. Nin La Voz de Galicia”
Augusto César Lendoiro compareceu no Playa Club para facer unha valoración do informe concursal do club que preside desde hai un cuarto de século, 25 anos, o Deportivo da Coruña. Lendoiro defendeu que o Depor “é viábel”, incidindo en que até os propios administradores concursais constatan iso no informe,e en que “ten futuro, goste ou non a La Voz de Galicia”.
Non foi esta a única referencia ao xornal coruñés, que mantén unha guerra aberta co presidente deportivista, antano aliados. Lendoiro quixo deixar claro que no club “ninguén se levou un euro. E ninguén ousa dicir iso. Nin sequer La Voz de Galicia”.
"Cando tiñamos 5.000 socios, para toda España eramos o Coruña. Agora somos para todo o mundo o Deportivo. E esa marca vale cartos"
Non ao ERE
Lendoiro lembrou que as empresas do Depor dan emprego a 250 persoas, e que todas elas cobran puntualmente. Aliás, afirmou que non pensa facer ningún expediente de regulación de emprego (ERE). Tamén lamentou que desde certos sectores e medio “se estivese a xogar con eses 250 empregos,e máis nestes tempos”.
Outra frase do presidente do Depor na roda de prensa: "Cando tiñamos 5.000 socios, para toda España eramos o Coruña. Agora somos para todo o mundo o Deportivo. E esa marca vale cartos".
Salario
Outra cuestión á que fixo referenza Lendoiro foi ao seu salario e doutros directivos do club. Neste senso, destacou que eles non cobraran nin un euro esta tempada. E que el propio só teria percibido "o 5%".