Arredor de 1.000 voces xuvenís pola independencia
25 de xullo de 2016 (13:56 h.)
Cunha asistencia lixeiramente superior á de 2015, as rúas de Compostela acolleron este domingo a manifestación unitaria da mocidade independentista.
Sob a lenda "Galiza somos nós" decorreu este domingo a marcha da mocidade independentista convocada conxuntamente por Erguer, Galiza Nova, Briga, Isca e Xeira.
As palabras de orde máis coreadas foron "Independencia" e "Galiza ceibe, poder popular".
O manifesto lido ao termo da marcha puxo o acento na defensa da lingua galega e na conquista dunha Galiza feminista e anti-capitalista.
Tamén na tarde deste domingo decorreu por Santiago a xa tradicional Cadeia Humana polos presos e as presas independentistas galegos.