Minuto a minuto: así foi o debate da CRTVG para as eleccións ao Parlamento Europeo
11.20 |
Remata o debate da CRTVG para as eleccións ao Parlamento Europeo |
11:16 | Nicolas González Casares (PSdeG): "Cando a dereita toma o timón as crises supéranse con recortes". |
11:15 | Francisco Millán Mon (PP): "O PP é un partido moderado e centrado". |
11:14 |
Ana Miranda (BNG): "Mentres uns teñen liortas pola Moncloa, o BNG céntrase nos problemas da sociedade galega". |
11:12 | Juan Díaz Villoslada (Sumar) remata o debate apelando a unha "Europa integradora". |
11.10 |
Javier Nart (Ciudadanos) introduce Carles Puigdemont ao final do debate. |
11:08 |
Nicolas González Casares (PSdeG): "Necesitamos camiña na solución dos dous Estados para Palestina". |
11:06 |
Nicolas González Casares (PSdeG): "A Rede Natura incumpre a normativa de hábitats". |
11:05 |
Juan Díaz Villoslada (Sumar): "Que pasou coas reivindicacións do Sáhara? De repente pasaron a un caixón". |
11:02 |
Juan Díaz Villoslada (Sumar): "Non é admisíbel que o PP fale de defensa da vivenda pública, cando están incumprindo de forma sistemática a lei estatal de vivenda". |
11:01 |
Francisco Millán Mon (PP): "Necesitamos máis defensa europea e incrementar o investimento". |
10:59 |
Francisco Millán Mon (PP): "Se alguén ten compromiso coa vivenda é o PP". |
10:57 |
Ana Miranda (BNG): "Queremos unha Europa máis social, non pode ser que se gaste máis en armas cando se precisan medidas sociais, cando os mozos e as mozas da Galiza reciben mensaxes nas que se lles denega a axuda para o aluguer". |
10:55 |
Ana Miranda (BNG): "Non estamos falando das principais preocupacións da cidadanía europea, que son o traballo e a pobreza, as cousas de comer". |
10:54 |
Javier Nart (Ciudadanos): Isto non vai de Feixoo ou Sánchez. Isto vai de Europa. Esta tensión na Unión Europea non existe. O grupo popular, o socialista e o liberal chegamos continuamente a acordos, e funciona. |
10:52 |
Ana Miranda (BNG): "O PP na Galiza está na lista negra, xunto con Bulgaria, na execución do financiamento". |
10:51 |
Ana Miranda (BNG): "Os cartos da UE teñen que servir para despregar as novas tecnoloxías. Este domingo na Ulloa non había cobertura de internet, e mentres tanto queren instalar alí unha macrocelulosa do século pasado". |
10:50 |
Ana Miranda (BNG): "O BNG defende que os fondos de cohesión sexan empregados para sanear as rías. Non hai máis que ir a Carril, a Muros ou a Noia para ver como están as rías e como sofre o sector marisqueiro". |
10:47 |
Juan Díaz Villoslada (Sumar) a Nicolas González Casares (PSdeG): "Boteille de menos na manifestación en Palas de Rei contra Altri. Non é o modelo que Sumar vai defender". |
10:45 |
Nicolas González Casares (PSdeG): "O PP igualase coa ultradereita. No Estado español xa os paramos". |
10:43 |
Nicolas González Casares (PSdeG): "A Xunta enganou os galegos e as galegas con Altri, presentou un proxecto e agora e outro. Entendo que a xente se manifeste, mais imos ser rigorosos con este proxecto". |
10:39 |
Javier Nart (Ciudadanos): "Estamos nun Estado federal mais con outro nome". |
10:38 |
Francisco Millán Mon (PP) critica a asignación dos fondo Next Generation por parte do Goberno español. |
10:33 |
Juan Díaz Villoslada (Sumar): "Non sei como se pode culpar o lobo dos problemas do sector primario". |
10:29 |
Francisco Millán Mon (PP): "Loitamos contra a deriva ambientalista radical". |
10:28 | Nicolas González Casares (PSdeG): "A Política Agrícola Común pódese mellorar e tense que mellorar. Mais a agricultura galega non se pode entender sen a PAC". |
10:27 |
Nicolas González Casares (PSdeG): "A nosa pesca ten sufrido moito, hai que reformar a política pesqueira común". |
10:25 |
Nicolas González Casares (PSdeG): "Mentres nós loitabamos por regular o mercado eléctrico coa excepción ibérica, o PP loitaba contra esta medida". |
10:23 | Javier Nart (Ciudadanos): "Estou farto dos ecoloxistas de pandeireta". |
10:22 | Ana Miranda (BNG): "Galiza está profundamente discriminada en temas de pesca, ten que ser unha zona altamente dependente nesta materia". |
10:19 |
Ana Miranda (BNG) e Nicolás González Casares (PSdeG) protestan por non poder acabar a súa quenda no primeiro bloque do debate. |
10:16 |
Javier Nart (Ciudadanos), nado en Cantabria e que non reside na Galiza, fai a súa primeira intervención no debate, en castelán. |
10:13 |
Juan Díaz Villoslada (Sumar) pide ao PSdeG que aclare a súa postura sobre Altri. |
10:11 |
Ana Miranda (BNG) defende as iniciativas do BNG contra proxectos como as minas de Corcoesto ou San Finx, e reivindica a oposición á factoría de Altri. |
10:10 |
Ana Miranda (BNG): "Nunha televisión normal este debate sería en horario de máxima audiencia". |
10:04 |
O representante do PSdeG, Nicolás González Casares, critica o horario do debate. |
10:01 |
O presentador presenta e saúda a representación de todos a forzas presentes: PSdeG, PP, BNG, Sumar e Ciudadadanos. |