Curros Enríquez: suicidio ou emigración

A carta, redixida en castelán como era habitual entre os escritores da época, escríbea Manuel Curros Enríquez como resposta a outra de Manuel Murguía en 1894. Nela desde o primeiro até o último parágrafo reflíctese a súa admiración e respecto polo patriarca, ao que denomina “maestro” inesquecíbel e querido. Comeza Curros a misiva laiándose de non teren coincidido na Coruña o día que el embarcaba rumbo a Cuba, pois soubo por Martínez Salazar que ese día chegaba Murguía á cidade. Con efecto, ese ano Murguía voltara á Coruña, destinado ao Arquivo da Delegación da Facenda. Porén, a confesión máis íntima e dolorosa áchase no segundo parágrafo. É a primeira e, talvez única vez, en que o poeta confesa con total sinceridade ter reflexionado sobre a posibilidade de se suicidar. Dos últimos días do autor en Madrid (las horas más negras de mi vida), sábese que abandonara esta cidade cansado, doente, decepcionado, e con múltiples problemas familiares e profesionais. Desesperado, deixa escrito que estivo dubidando entre se suicidar ou emigrar. A lectura da última obra de Murguía que lle chegara e que lera á luz dunha candea, influíu nel para que, felizmente, optase pola emigración antes que polo suicidio. Posibelmente se referise á lectura de El regionalismo gallego, que se publicara na Habana en 1889. Curros decidira marchar para a América porque a súa vida en Madrid se convertera nun inferno polos problemas na redacción de El País, polas malas relacións coa súa dona, polas continuas doenzas que o atormentaban e polo cansazo e frustración de loitar polos seus ideais sen achar a mínima comprensión daquela obscura e elitista sociedade madrileña. Após unha viaxe triste e solitaria, cóntanos como foron os primeiros días da súa chegada á capital cubana, onde residiu nunha fonda durante a primeira semana até que José Novo o convidou a se instalar na súa casa. Podemos tirar a conclusión de que nun primeiro momento os inicios non foron fáciles. El declara que “el único que me agasajó fué Aires, que me dió un banquete de 80 cubiertos, y la prensa de esta capital también, que me colmó de halagos”. M. Lugrís Freire explícanos que, chegado Curros á Habana, fora agasallado pola Sociedade "Aires d'a miña terra" cunha festa de benvinda; mais como o noso poeta se mostrara triste, foi preguntado pola causa da súa tristeza. Enseguida contestou: "A festa máis agasalladora para min, a que levantará na miña alma unha lembranza eterna, será a festa da unión de todol-os gallegos". No entanto, co paso dos meses, a súa situación foi mellorando e a súa prestixiosa figura gañou recoñecemento entre a colonia galega da cal recibiría axuda para a fundación de La Tierra Gallega. Pasado un tempo, o 22 de decembro de 1894 asistiría á representación de Otello de Verdi no Teatro de Tacón, onde no medio da obra, a tiple ferrolá Asunción Lantes interpretou o poema “Adiós a Mariquiñas”; a orquestra estivo dirixida por José Castro Chané. Ao final da actuación Curros, que se achaba nun palco, tivo de saír, sen moito entusiasmo, ao escenario a recibir os aplausos dos asistentes. Nesta altura fíxose socio da Sociedad de Beneficencia de los Naturales de Galicia (creada en 1872) e funda La Tierra Gallega e Diario de la Familia. En definitiva, intégrase no tecido social galego da illa. O xurista e escritor ferrolán José Novo García, xunto co seu irmán Victorino, coincidiron co noso autor en Madrid, onde frecuentaban as xuntanzas rexionalistas e a sociedade Galicia Literaria. Mais, polo que hoxe sabemos, Curros estivo máis relacionado con Victorino que con José. Este, morto na Coruña en 1898, á parte de exercer de catedrático da Facultade de Dereito da Habana, fora o fundador da revista Galicia Moderna desta capital. Con Victorino levou a cabo a idea de lle dedicar a Vesteiro unha "Coroa poética" en que participasen o maior número posíbel de escritores. De ambos é a carta que lle enviaron a Pedro A. de Alarcón por renunciar este a colaborar en tal fin. Victorino fixo unha recensión de O Divino Sainete en Galicia Moderna (Habana, nº 170, 29-7-1888) e, un ano despois, escribiu o prólogo ao libro de Añón Poesías gallegas y castellanas publicado na Coruña ese mesmo ano. O Centro Gallego da Habana Outra problemática que nos aclara o poeta foi a súa relación co Centro Gallego da Habana. Ao longo da súa estadía en Cuba, as súas relacións con esta entidade non se caracterizaron precisamente por seren cordiais e afectuosas, a pesar de o Centro telo nomeado “Socio honorario”. Tal como manifesta, desde o primeiro momento non foi ben acollido debido á rivalidade existente entre as dúas sociedades ("Su actual Presidente, siéndolo de Aires da miña terra, otra sociedad que hay aquí, desgraciadamente formada de una disidencia, harto justificada, me habia nombrado hace años Presidente honorario de aquella sociedad, hoy rival del Centro, erigiéndome así en víctima de un crimen por él solo cometido"). Parece referirse a Bonifacio Piñón, que fora presidente da Sociedade “Aires da miña terra”. Esta nomeara Curros presidente de honra e el compuxera en 1887, en agradecemento, o poema Á Sociedade lírica da Habana "Aires da miña terra". Nesa altura, Piñón presidía o Centro Gallego (entre 1893 e 1894). Alén diso, Curros non aceptou como presidente do Centro unha persoa que non fose galega. Cando resultou elixido José López Pérez, natural de Madrid e fillo de galego, o poeta deuse de baixa como socio. Curiosamente, morto Curros, era López Pérez o presidente do Centro baixo cuxa iniciativa se trasladou o cadáver do poeta á Galiza. Así mesmo, o autor deixa claro que as súas relacións con W. Álvarez Insua non foron boas xa desde o principio. Este non quería que Curros lle fixese sombra. Envexas profesionais, talvez. Insua vía en La Tierra Gallega un directo rival, xa que dirixía na Habana desde 1878, cun pequeno intervalo, El Eco de Galicia. Alberto Insua, seu fillo, no prólogo á edición de Aires da miña terra de Emecé Editores (Buenos Aires,1940), maniféstanos que, ao pouco de chegar Curros á Habana, as relacións co seu pai romperan para sempre: "Grande amigo de mi padre, no recuerdo bien las razones por las cuales, a poco de llegar a Cuba, la amistad entre él y mi padre se quebró para siempre”. Remata Curros a carta sinalando o seu desexo de voltar á Galiza. Esta idea reiteraríaa na súa visita ao noso país en 1904. Naquela altura declarara que pensaba regresar pasados dous anos. Como sabemos, o poeta só voltaría, morto, en 1908. A misiva inédita Eis a carta. Os subliñados son do propio Curros. 5 Mayo 1894 Sr. D. Manuel Murguía La Coruña Habana. Ce. S. Ignacio 84 (1) Mi querido e inolvidable maestro: ¡Qué grata sorpresa su carta! Me la debía V. por el pesar que me causó no poder verle y abrazarle en la Coruña y por la rabia que me dió saber por Martinez (2) que V. venía a vivir ahí ¡el mismo día en que yo me embarcaba! De haberle encontrado en la Coruña mis penas se habrían aliviado un tanto, charlando con V. de su último libro que leí en Madrid en las horas más negras de mi vida, á la luz de una vela en una casa de huéspedes, en pleno horror y vacilando entre el suicidio ó la emigración. En aquella suprema crisis de mi alma fué el árbitro un libro bien amado. V. sabrá qué cosas puso en él que tengan poder y eficacia bastante para inflamar y rejuvenecer un espíritu cansado y sanar un corazon enfermo. Yo ni decírselo podría. Hice un viaje muy triste. Si V. viera mi diario se asombraría de mi fuerza de resistencia. Como á nadie avisé, nadie fué á esperarme al puerto y me encontré aquí completamente solo. Me hospedé en una fonda y allí estuve 8 días, hasta que sabiendo mi llegada Pepe Novo García, hermano de Victorino, me llevó á su casa donde me encuentro desde el 11 de Marzo. Es falso que el Centro Gallego me hubiera acojido bien. A visitarlo fuí tres veces y no me pagaron la visita siquiera. Había un motivo para ello….. Su actual Presidente, siéndolo de Aires da miña terra, otra sociedad que hay aquí, desgraciadamente formada de una disidencia, harto justificada, me habia nombrado hace años Presidente honorario de aquella sociedad, hoy rival del Centro, erigiéndome así en víctima de un crimen por él solo cometido. Además, mi presencia en la Habana molestaba al Sr. Alvarez Insua y de esta molestia me dió elocuente prueba el día en que fuí á visitarlo pa (sic) entregarle una carta de Martínez Salazar, indicándome que debía solicitar un beneficio del Centro Gallego, dar unas cuantas lecturas, recoger seis u ocho mil duros…. ¡miserable!…. y marcharme. Le advierto que en la carta que traje para él, Martínez Salazar le rogaba hiciera lo posible por retenerme en la Habana y evitase me fuese para México. Así cumplía su encargo. No sé yo qué le habré hecho á Insua que justifique su conducta. Recuerdo que hace años exploté mi nombre en la portada de un juicio crítico, lleno de elogios y alabanzas para mi, de Aires, y me mandó un ejemplar que leí y arrojé verdaderamente sonrojado. No le dí gracias ni le acusé recibo; pero no por eso se dió por resentido porque continuó elogiándome y llenando su periódico siempre que podía con versos míos. Llegué á la Habana; amigos del Centro y de Aires me rodean, reunen 2000 duros, me fundan un periódico y me llevan á dirijirlo y en el mismo momento el Sr. Alvarez Insua me insulta desde el Eco de Galicia acusándome de ateo y dándome consejos para que no ataque á Montero, Lopez Dominguez ni Vincenti (3). Semejante conducta despues de haberle saludado cariñosa y cortesmente en el primer número de La Tierra Gallega me pareció tan infame, que en el número último le contesto rompiendo con él y provocándole. Indudablemente le molesto: vine á la Habana á presenciar su decadencia en el Centro Gallego, donde lo quieren peor que á mi, y esto le hace daño, porque puedo descubrir que era una farsa toda aquella influencia de que blasonaba en Galicia durante su último viaje. Vea V. pues, qué manera de escribrir la historia. El único que me agasajó fué Aires, que me dió un banquete de 80 cubiertos, y la prensa de esta capital también, que me colmó de halagos. Aquí me tiene V. dirijiendo La Tierra Gallega (4) y siendo redactor jefe del Diario de la Familia (5). En el primer periódico que es bisemanal, gano por ahora 200 pesos mensuales y 100 (oro) en el segundo. Probablemente ganaré doble dentro de unos meses y así podré ahorrar para irme ahí dentro de un par de años y vivir en una aldea. Mi aspiración es ahorrar 500 pesos cada mes, y es lo menos á que puedo aspirar reventándome como me reviento á trabajar día y noche en este clima donde el trabajo se hace imposible. Se acaba el pligo (sic) y no quiero empezar otro. Afecto á los amigos, que yo se que los ve con frecuencia y reciba un abrazo de su invariable, Curros. Notas: (1). A rúa S. Ignacio, situada na Habana vella, aínda conserva hoxe en día tal denominación. (2). Refírese a Andrés Martínez Salazar, editor da Biblioteca Gallega. (3). José María Riguera Montero, escritor e xornalista galego (Nogueira-Ourol, 1845-Viveiro, 1922), baixo o pseudónimo Ramón Erotiguer, atacou a creación da Academia galega. José López Domínguez, militar e político español (Marbella, 1829-Madrid, 1911). Eduardo Vincenti Reguera, político e escritor (A Coruña, 1857-Madrid, 1924). (4). Esta publicación aparece ao mes de chegar; o seu primeiro número sae o 8-4-1894 e cesa o 9-11-1896, por orgullo persoal. Primeiro era bisemanal (cuartas feiras e domingos), pasando logo a se facer semanal. Aínda que, pola lóxica razón de se tirar na illa caribeña, estaba maioritariamente escrita en español, o galego estaba tamén presente nas súas páxinas. (5). Fundou El Diario de la Familia que, após o seu número programa, vería a luz a partir do 1º de maio dese ano.