10% de adolescentes usan produtos para baixar de peso sen receita en todo o mundo
Un de cada dez adolescentes en todo o mundo utilizou na súa vida produtos de perda de peso non receitados, ineficaces e potencialmente daniños, e 2% utilizounos á última semana, segundo unha revisión de máis de 90 estudos dirixida por investigadores da Facultade de Saúde Pública e Medicina Preventiva da Universidade de Monash (Australia).
O estudo, dirixido pola doutora Natasha Hall e publicado no Journal of the American Medical Association, descubriu que o uso por parte de adolescentes de produtos para baixar de peso sen receita é de 5,5% en xeral, 2% na última semana; 4,4% no último mes, 6,2% no último ano e 8,9% na súa vida.
O uso de produtos para baixar de peso sen receita (desde medicamentos a suplementos) en adolescentes é preocupante porque aumenta o risco dun aumento de peso non saudábel na idade adulta, ademais de estar asociado prospectivamente cun risco elevado de ser diagnosticado cun trastorno alimentario dentro de varios anos do inicio do uso.
Depresión
Ademais, estudos lonxitudinais atoparon que o uso non receitado de produtos para baixar de peso asociábase con baixa autoestima, depresión e unha inxesta nutricional deficiente. Este metanálise, que analizou a situación de máis de 600.000 participantes, atopou que a prevalencia do uso de pastillas para adelgazar en comparación con laxantes e diuréticos; que é máis común entre o sexo feminino en comparación co masculino e que é máis frecuente entre adolescentes de América do Norte en comparación con Asia e Europa.
"Dados os problemas de saúde individual e pública asociados co uso de produtos para baixar de peso sen receita por parte dos adolescentes, necesítanse urxentemente intervencións para previr e regular o uso de produtos para baixar de peso nesta poboación", sinalan os investigadores.