O Ministerio de Sanidade revisa o prezo de referencia de 17.000 fármacos
O Ministerio de Sanidade actualizou o sistema de prezos de referencia dos medicamentos no Sistema Nacional de Saúde (SNS) para 2023, unha medida para máis de 17.000 medicamentos que producirá un aforro estimado 217,54 millóns de euros, segundo as estimacións deste departamento. O Boletín Oficial do Estado publicou esta cuarta feira, 1 de novembro, a Orde do Ministerio de Sanidade pola que se procede a revisar os prezos de 17.671 presentacións de medicamentos, das cales 13.994 son dispensábeis en farmacias e 3.727 en hospitais. Serán as farmacias hospitalarias as que máis proveito tiren da revisión, cun aforro de 160,41 millóns de euros fronte aos 57,13 millóns das farmacias comunitarias.
photo_camera Medicamentos antibióticos (Foto: Europa Press).