Ferido un traballador tras caer co seu camión por un terraplén nunha canteira en Caldas de Reis
06 de setembro de 2024 (19:19 h.)
Foi trasladado ao Hospital de referencia.
Un traballador resultou ferido tras caer co seu camión por un terraplén nunha canteira en Saiar, no Concello de Caldas de Reis, comarca de Caldas.
Segundo informou o 112, foron as urxencias sanitarias quen deron a voz de alarma e indicaron que o único ocupante do vehículo estaba fóra da cabina, maisinconsciente.
Até o punto desprazouse a Policía Local, a Garda Civil e as Agrupacións de Voluntarios de Protección Civil de Caldas e de Cuntis. O home foi trasladado polo persoal sanitario ata o hospital de referencia.