Un traballador morto e dous feridos nun accidente laboral nas Pontes
O sinistro produciuse ao se soltar unha peza da máquina coa que traballaban na central térmica, que bateu nos tres operarios. A media neste 2015 da sinistralidade laboral é un accidente mortal por semana.
Un operario faleceu e dous resultaron feridos con diversos traumatismos ao ser golpeados pola peza dunha máquina coa que estaban traballando na central térmica das Pontes, nun sinistro laboral que aconteceu sobre as tres da madrugada. Até o lugar dos feitos desprazáronse dúas ambulancias asistenciais e unha medicalizada, así como un médico do Punto de Atención Continuada (PAC) da zona.
Malia as manobras de renovación, M.A.M.O., de 55 anos, faleceu. Mentres, os dous traballadores feridos, J.L.M., de 58 anos, e J.M.P.A., de 42, foron trasladados en ambulancia ao Hospital Arquitecto Marcide de Ferrol.
No primeiro trimestre de 2015 en Galiza morreron 13 persoas en accidentes laborais e producíronse 83 accidentes de carácter grave.