Vigo sae á rúa contra os recortes en Citroën
2.000 persoas secundan o chamado de CIG e CUT para facerlle fronte ao acordo da central maioritaria coa empresa, que rebaixa as condicións laborais dos traballadores da factoría.
Máis de 2.000 persoas, segundo datos dos sindicatos, saíron este sábado, convocados pola CIG e a CUT, ás rúas de Vigo para manifestar o seu rexeitamento aos recortes salariales pactados entre a factoría de PSA Peugeot Citroën e o sindicato maioritario, SIT (e a oposición de CIG, CUT, UGT e CC.OO.).
Desde a Praza de América á factoría de PSA baixo o lema 'Non ao atraco salarial dos traballadores de Citroën' marcharon os manifestantes,nunha protesta na que un dos operarios da fábrica procedeu a ler un manifesto de rexeitamento ás medidas de axuste, que supoñen "unha redución salarial do 5 por cento, limitación nas actualizaciones das nóminas, supresión e rebaixa de complementos, e outras medidas".