Consello Xeral do Poder Xudicial

O Consello deu luz verde a un informe que estabelece trabas a que desaparezan estas entidades en recordo ao réxime ditatorial de Francisco Franco, cuestión que pretende a Lei de Memoria Democrática -tamén coñecida como lei Calvo- que está en anteproxecto.

Os casos ingresados sobre cláusulas chan aumentaron un 96 % e descenderon un 34 % os pendentes en trámite.

O Consello Xeral do Poder Xudicial terá que tomar unha decisión na súa xuntanza de mañá sobre o informe das vogais Roser Blanch e Wenceslao Olea, no que critican o proxecto de Lei de memoria histórica.

Unha semana despois de facerse pública a intención do Goberno do Estado español de tratar o indulto ás presas e presos políticos cataláns continúa a ofensiva da dereita encabezada polo PP, que se nega a negociar a renovación do Consello Xeral do Poder Xudicial. O órgano atópase en funcións desde hai case 30 meses.

Os relatores do informe do  CXPX sobre a Lei de Memoria Democrática avisan de que vulnera a liberdade de expresión.

 

78 nomeamentos en ano e medio, ese é o rexistro do Consello Xeral do Poder Xudicial en funcións, que desiste de levar o conflito co Goberno do Estado ao Constitucional despois de ver limitada a súa capacidade de seguir facendo nomeamentos que marcarán o Poder Xudicial nos vindeiros anos.

O Goberno do Estado renuncia á reforma legal que permitiría renovar o Consello Xeral do Poder Xudicial con maioría absoluta no Congreso, e non coa maioría reforzada de 3/5 que a norma actual exixe e que permite ao PP bloquear a renovación e manter un organismo en funcións favorábel ás súas teses.

O Consello Xeral do Poder Xudicial vén de emitir un informe no que recoñece que a Xustiza tivo un “funcionamento anormal” na causa aberta contra o ex conselleiro de Innovación e Industria na época do bipartido. Blanco deixou a política após ser imputado pola maxistrada Pilar de Lara.

Os 4,4 millóns que Juan Carlos I depositou en Facenda "sen requirimento previo" -segundo di o seu avogado- serían cartos prestados por empresarios e amigos españois do rei emérito que foron reunindo fondos até alcanzar eses máis de 4 millóns. Ao seren  préstamos e non doazóns, Juan Carlos I non tería que tributar por esa cantidade.

O pleno do Consello Xeral do Poder Xudicial (CXPX) freou o nomeamento de novos postos na alta xudicatura á espera de que o Goberno estatal e o PP cheguen a un pacto para a renovación do órgano de Goberno das e dos xuíces, ao igual que alcanzaron un acordo para renovar a composición da dirección de TVE.

Os populares ven perto un acordo co PSOE e sen Podemos para renovar o Consello Xeral do Poder Xudicial (CXPX), aínda que Ábalos rexeita pactos "con vetos". O CXPX mantén unha maioría afín ao PP que caducou hai dous anos, e a renovación é crucial sobre todo en pleno xulgamento ao ex tesoureiro do PP, Luis Bárcenas. 

As estatísticas do Consello Xeral do Poder Xudicial para o terceiro trimestre de ano apuntan a unha suba destas denuncias, que foron 1.767 en tres meses. Nese período multiplicáronse as vítimas que rexeitaron declarar nos procesos como testemuñas. 

Até 1.383 despexos se produciron entre o 14 de marzo e o 14 de xuño no Estado español, segundo os datos de setembro do Consello Xeral do Poder Xudicial. Pese a que o Goberno estatal repetiu que paralizara os desafiuzamentos, o certo é que a medida do Executivo non inclúe as persoas que xa eran vulnerábeis con anterioridade ao impacto da Covid-19.

O presidente do Goberno español convida Pablo Casado a sentar e negociar a renovación do Poder Xudicial, que o PP leva bloqueando dous anos, se quere parar a reforma do Poder Xudicial presentada polo PSOE e Unidas Podemos. 

Até 12 vogalías do Consello Xeral do Poder Xudicial serían, coa reforma de PSOE e Podemos, nomeadas por maioría absoluta nunha segunda votación no Congreso e no Senado, fronte aos tres quintos necesarios que marca a lei actualmente. Desta maneira saltaríase o bloqueo do PP á renovación do Poder Xudicial, que se resiste a perder nel a súa maoría. 

Falta de espazo, edificios sen ventilación natural e falta de equipos de protección individual son algunhas dos problemas actuais segundo este sindicato.

A comisión permanente do Consello Xeral do Poder Xudicial (CXPX) toma hoxe coñecemento dun documento proposta que inclúe  unha centena de medidas organizativas e procesuais para incluír no plan de choque co que se pretende evitar un colapso da Administración de Xustiza ao remate do estado de alarma.


 

As primeiras decisións do Executivo español non pasaron desapercibidas. A proposta de Pedro Sánchez de nomear Dolores Delgado como fiscala xeral e as palabras de Pablo Iglesias coas que lamentou que os tribunais europeos deixaron en mal lugar a xustiza española desataron un forte aluvión de críticas. Finalmente a proposta de Delgado resultou aprobada con 12 votos a favor e 7 en contra no Consello Xeral do Poder Xudicial.