cultura

“Multiplicar a festa por mil”. Eis unha das intencións de 'Caravana de emerxencias, o festival autoxestionado que o 4 de abril se presentará na Capitol (Compostela). Skarallaos, Chotokoeu e Skarnivals son os grupos responsábeis dunha iniciativa novidosa: a entrada será de balde, e os asistentes escollerán o prezo á saída.

A noite da edición xa ten trunfadores. No Auditorio do Mar de Vigo tivo lugar na noite desta sexta feira 15 de Marzo o acto público no que se deron a coñecer os nomes gañadores. Begoña Caamaño, Álvarez Torneiro e Fernández Paz foron tres dos trunfadores dos premios da Asociación Galega de Editores.

“Chamamento polo galego” aplaude a decisión da Xunta de non recorrer diante do Tribunal Supremo as sentenzas do máximo tribunal galego que invalidan o Decreto do Plurilingüísmo. Reclaman tamén do goberno galego pasos para “lograr o consenso” arredor da lingua. A decisión da Xunta deixa soa á Academia Galega co recurso no Supremo

Xosé Luis Méndez Ferrín consumou nesta cuarta feira a súa demisión como presidente da Real Academia Galega.  Ao saír do Pleno, perante a imprensa, afirmou que a institución está "en perigo" e que se acha ameazada "interna e externamente" polo que cualificou como "forzas intransixentes" contrarias á normalización da lingua galega. Pide "ao pobo galego" que defenda a RAG das "ameazas" que, afirma, penden sobre dela. A crise da RAG, lonxe de remitir, agrávase.

Un obradoiro de flamenco para crianzas. Esta é a última actividade da Fundación Cidade da Cultura que voltou ser debate no pleno. A deputada Ana Pontón reclamou apoio para un sector cultural que atravesa un momento crítico e o conselleiro Xesús Vázquez afirmou que a CdC aforra alugueiros.

Sábese a hora de entrada, mais non a de saída. Tamén se descoñece como rematará a xuntanza do plenario da Real Academia Galega que hoxe está convocado na sede da rúa Taberna ás 18 horas . Poucos se atreven a afirmar tan sequer se, no remate, a institución terá ou non presidente. Ferrín demitiu o pasado 25 de Febreiro acosado por un escándalo de nepotismo e no meio dunha guerra larvada polo control da RAG. Contra prognóstico, este sábado o escritor abriu a billa a unha hipotética reconsideración da súa marcha: "Sempre se pode cambiar de opinión", dixo á imprensa. A súa demisión está na orde do día da xuntanza.

Coa presenza do cineasta Albet Maysles e a inauguración co seu documental arredor dos Beatles bota a andar a novena edición do Play-Doc, o festival de documentais que cada ano centra a atención do mundo do audiovisual en Tui.

O XI Encontro de Embarcacións Tradicionais de Galicia será no Freixo (Outes) en xullo de 2013 e neste porto cumprirá esta cita os seus 20 anos de existencia. Agárdanse centos de embarcacións, de tripulantes e de visitantes procedentes de diversos países europeos. Proa Sempre!

As Asociacións de Escritores e Escritoras en linguas galega, éuscara e catalá opóñense á aplicación da LOMCE por supor unha “falta de respecto ás linguas e culturas nacionais” do Estado español. Mediante unha nota de imprensa conxunta a través da Federación Galeusca, as tres asociacións reivindican o espazo para as linguas nacionais no ensino.

O novo director estivo acompañado de familiares e membros da cultura oficial. Algúns membros da Plataforma Galega das Artes Escénicas e Musicais estiveron presentes “malia avisarnos con pouco tempo”

Até os mesmos responsábeis de Vanity Fair no Estado español ficaron abraiados polos resultados da súa enquisa a lector@s sobre cal era a súa serie favorita: Gañou Matalobos, por riba de producións míticas como Friends, Anatomía de Grey ou Big Band. Foi, aliás, a única serie feita no Estado español que se situou entre as 10 primeiras

Ferrín anuncia que a Academia interpuxo un recurso de casación ante o Tribunal Supremo de Madrid contra o decreto da lingua para pedir a súa “anulación total” e amósase convencido de que teñen “moitas posibilidades de gañar”. A presentación do recurso foi aprobada pola totalidade de membros do plenario.

Despexada a incógnita. A RAG si leva o decreto do galego ao Supremo. A Academia vai presentar un recurso de casación contra a sentenza do Tribunal Superior de Xustiza de Galiza, que só estimaba en parte os argumentos da institución. O TSXG anulaba dous artigos do decreto, o que a RAG considera insuficiente. No seu recurso perante o Supremo pide a anulación completa do decreto de plurilingüísmo. A RAG podería, sen embargo, retirar o recurso se a Xunta accede a negociar o decreto e comprometerse nun cambio de rumo nesta materia. A decisión de presentar o recurso foi tomada pola unanimidade das persoas que compoñen o plenario.

O presidente da Academia galega comparece esta segunda feira após asegurar o sábado que "sempre se pode cambiar de opinión", o que se pode interpretar como que abre a billa á reconsideración da súa demisión. En conferencia de imprensa na sede da rúa Tabernas (12 h), Ferrín terá que esclarecer se finalmente abandona a RAG ou se, pola contra, atende as voces que lle piden que continúe, entre elas a da Asociación de Escritores en Lingua Galega e a de Manuel Rivas. Algunhas fontes indican que Ferrín podería anunciar que a RAG vai formalizar o recurso de casación perante o Supremo arredor do chamado decreto do plurilingüismo.

O aínda presidente da RAG respondía así á pregunta de se pensa reconsiderar a súa demisión. Méndez Ferrín desenvolveu este sábado o que a priori se presentaba como o seu último acto á fronte da institución, porén o escritor deixou aberta a porta a unha posíbel mudanza no seu parecer.

O I Certame Galego de Poesía Erótica Recitada quere educar unha veciñanza “moitas veces ignorante no coñecemento da sexualidade”. Amais da produción dun vídeo poema, o premio ao gañador completarase cunha peza de cerámica “acorde coa temática do certame” que terá lugar este sábado na vila mariñeira.

As tres entidades consideran que hai escritoras galegas abondo na nosa literatura contemporánea sen escoller alguén que escribe en castelán.

Desde hai trinta anos, a Aula Castelao organiza a Semana Galega de Filosofía en Pontevedra, con sede fixa no centro cultural de Novagalicia Banco. Este ano, o congreso que xuntará durante cinco días centos de persoas para asistir ao debate sobre "Filosofía e Memoria" terá lugar no Teatro Principal xa que Novacaixagalicia, a antiga obra social, quería cobrar 7.000 euros por uso das instalacións.

A Fundación Rosalía vén de desvincularse, a través do seu twitter, do acto da Xunta de homenaxe á escritora que conta como única convidada do mundo das letras con Marta Rivera de la Cruz.