hidroeléctrica

Manuel Rivero (Vilela, Bande, 1953) é licenciado en Antropoloxía, Ciencias Políticas, Psicoloxía e Socioloxía. Traballou na banca comercial como especialista en recursos humanos. Desde sempre mantivo a curiosidade pola memoria e a historia daquel val asolagado que miraba desde a aldea, a cola do encoro. Onte sábado, en Muíños, ofreceu unha charla sobre As Conchas no setenta aniversario da inauguración (por Franco) do pantano. Mais a historia das Conchas empeza antes, conta, e cando menos, ten cen anos.

CIG presentou no rexistro do Parlamento galego as 13.731 firmas de apoio á ILP para a xestión pública dos aproveitamentos hidroeléctricos nos ríos galegos. Unha iniciativa máis do sindicato, remarcou o seu secretario xeral Paulo Carril, para que as administración asuman a enerxía como “un servizo público” no canto dun simple “ben de consumo”.

En andamento a campaña de recollida de firmas para levar ao Parlamento a ILP para a recuperación dos saltos e aproveitamentos hidroeléctricos para a xestión pública. Vídeo no interior.

O marqués e ex-ministro procura reducir a importante débeda do grupo coa venda duns activos cos que gañou millóns de euros estes anos a costa dos ríos galegos, nomeadamente o Xallas.