As autoridades dos EUA confirman que o 'Titan' sufriu unha "catastrófica implosión"

O comandante da Garda Costeira estadounidense, John Mauger, confirmou na tarde desta quinta feira que o submarino turístico Titan, no que viaxaban cinco persoas para visitar os restos do Titanic, sufriu unha "catastrófica implosión" durante a inmersión e parte dos seus cascallos foron xa localizados. As persoas expertas sinalaran a primeira hora da mañá desta quinta —mediodía na Galiza— como o momento no que, segundo os cálculos, estas cinco persoas quedarían sen oxíxeno. O submarino desapareceu o pasado domingo e a marxe de supervivencia era de 96 horas.