O Carballiño rexistra un terremoto de magnitude 1,7

O concello do Carballiño (comarca homónima) rexistrou na mañá de onte un terremoto de baixa intensidade, concretamente de magnitude 1,7 na escala de Richter. O tremor, con epicentro na localidade de Arenteiro, produciuse entre as parroquias de Mesego e O Torrón pasadas as 8.30 horas. Segundo o Instituto Xeográfico Nacional (IXN) tivo unha magnitude de 1,7, polo que se considera de baixa intensidade, e o seu hipocentro situouse a 15 km de profundidade. O concello carballiñés xa rexistrara dous sismos o pasado mes de outubro, ambos na madrugada do día 19. Un de magnitude 2,9 e outro de 1,8 pero a tres quilómetros de profundidade, sendo percibidos pola veciñanza.