A Irmanidiña comeza a defensa do título UEFA

Volve a vixente campioa de España e de Europa, a selección galega de fútbol amateur. A Irmandiña comeza hoxe o seu percorrido de cara á defensa do seu título no Campo Federativo de Coia, en Vigo, que abrirá as súas portas de balde para que poida asistir calquera persoa que o desexe. Alí disputará a primeira fase da Copa das Rexións UEFA, colidindo en primeiro lugar co combinado das Illas Canarias ás 12 horas, nun debut que podería ser fundamental de cara a lograr o obxectivo de rematar como primeira clasificada do seu grupo. Para iso, o seleccionador nacional, Iván Cancela, contará con 18 homes ao seu dispor, sendo os conxuntos máis representados o Arousa (4) e o Atlético Arteixo (4).