Prisión provisional e sen fianza para o garda civil que se atrincheirou cunha muller nun piso de Vilagarcía

O Xulgado de Instrución número 2 de Vilagarcía de Arousa decretou prisión provisional comunicada e sen fianza para o garda civil que na madrugada da terza feira se atrincheirou nun piso de Vilagarcía de Arousa cunha muller, proferindo ameazas desde o seu interior. O home pasou a disposición xudicial esta cuarta feira e o xulgado de garda considerou que concorre nun delito de quebrantamento e ameazas.Segundo fontes próximas á investigación, algúns veciños alertaron ás forzas de seguridade do que estaba a ocorrer ao escoitar as ameazas que profería o home que, segundo confirman, non posuía armas.