Retos para o novo Goberno galego tras o 18-F

Non é unha carta aos reis meigos, son propostas factibles sobre as que existe un gran consenso social e profesional. 1. Afrontar os problemas estratéxicos do sistema —Incrementar o gasto sanitario. —Recuperar a accesibilidade á Atención Primaria. —Reducir as listas de espera hospitalaria e facelas transparentes —Atención á cronicidade e mais á discapacidade. —Garantir atención sanitaria publica e unhas condicións saudables nas residencias de maiores —Reorientar o sistema á saúde e aos coidados e combater a medicalización, o hospitalocentrismo e o abuso tecnolóxico. Urxe acelerar unha atención integral baseada na promoción e prevención da saúde, máis aló da curación e rehabilitación 2. Pór en marcha unha nova Atención Primaria —Acabar co infrafinanciamento crónico do nivel ata alcanzar 25% do gasto sanitario —Resolver a falta de persoal sanitario, especialmente de pediatría e enfermaría, e incorporar novas categorías laborais: psicoloxía, fisioterapia, traballo social, matronas, atención dental, logopedia, atención temperá… —Garantir consultas presenciais e en 48 horas como máximo. —Garantir o acceso asistencial á poboación rural e dispersa. Incremento dos consultorios locais. —Acabar coa masificación das consultas medicas e garantir 10 minutos por paciente. —Garantir a atención e coidados domiciliarios a persoas encamadas ou con problemas de mobilidade. —Recuperar a atención integral: promoción, prevención, curación e rehabilitación. —Abandonar a medicalización do nivel centrada na consulta medica, a enfermidade, a curación e o abuso irracional da medicación. —Desenvolver o modelo de saúde comunitaria en colaboración con entidades e recursos locais coa implicación e participación da poboación para abordar os determinantes da saúde (alimentación, exercicio, trafico, contaminantes ambientais…). 3. Mellorar a Atención Hospitalaria —Incrementar a capacidade funcional dos hospitais para reducir as listas de espera e facelas públicas e transparentes. —Recuperar os hospitais comarcais e frear o seu despece. —Mellorar a coordinación coa Atención Primaria e acabar coas trabas para garantir a continuidade dos procesos asistenciais. —Acabar coa parasitización dos centros privados pola actual política de concertos. 4. Garantir a coordinación dos recursos do sistema —Desenvolver as áreas sanitarias como espazo físico e poboacional para coordinar os recursos asistenciais dos servizos de saúde publica e atención á dependencia. —Dotalas de orzamento e de capacidade para unha xestión adaptada ás necesidades concretas de saúde. —Recuperar as áreas suprimidas. 5. Persoal ao servizo do sistema —Esixir a dedicación exclusiva ao persoal que traballa na sanidade pública. —Garantir unhas condicións laborais estables e dignas que fidelicen o persoal e eviten que fuxan a outras CCAA e países. —Póer en marcha unha política de persoal dotada de incentivos laborais e salariais que premien a dedicación e o bo desempeño e acaben co burnout. 6. Política de formación do persoal e I+D+i —Incluír a Atención Primaria na Universidade. —Incrementar a capacidade docente dos centros de saúde coa acreditación de novos centros, incrementar as prazas de formación en medicina familiar, pediatría, enfermaría, etc. e garantir a cobertura plena das mesmas. —Planificar a necesidades de formación de novo persoal a curto, medio e longo prazo. —Garantir a formación continuada do persoal á marxe dos laboratorios e industrias tecnolóxicas que perpetúan a medicalización e a utilización intensiva e irracional de tecnoloxías e probas diagnosticas. 7. Recuperar os servizos e recursos privatizados —Reintegrar á xestión pública o servizo de ambulancias, o sistema de información, a historia clínica e receita electrónica, a central de chamadas, Laboratorio central e a loxística, imprescindibles para a planificación e boa xestión do sistema. —Recuperar a xestión publica do Hospital Cunqueiro de Vigo. —Acabar co concerto singular de Povisa. —Xestión publica das Fundacións de Investigación Hospitalaria, Asociación Contra o Cancro, en mans de empresarios e banqueiros, concerto coa multinacional estadounidense Medtronic, Clúster Sanitario de Galicia, etc., a través das cales as multinacionais utilizan pacientes, recursos e fondos do sistema público para realizar investigacións e novas patentes que revenden ao sistema público a prezos astronómicos.

Retos para o novo Goberno galego tras o 18-F

Dez incendios arrasaron 480 hectáreas en só 15 días de abril en que non choveu

Detido un veciño de Carballo que se atrincheirou na súa casa tras disparar a outro home

Unha forte sarabia provoca un accidente na AP-9 coa involucración dun total de sete vehículos

Condenan unha aseguradora a pagar case 13 millóns por "neglixencia médica" nun parto na sanidade privada en Compostela

O patrón de Muxía e CCOO premios Dioxina 2023 e Rogelio Santos, Noia Limpa e Daniel Vispo premios Osíxeno

“Maricón”, “Oxalá te viole un magrebí”: os insultos LGTBifóbicos contra o secretario xeral das Xuventudes Socialistas de Galiza

"Estase a promover un monte cada vez máis combustíbel”: a FEG critica a suspensión do Consello Forestal Galego

Henrique Harguindey, tradutor hai 55 anos da 'Internacional' do francés ao galego: "A letra segue a ter total vixencia"