Sermos Galiza

Plácido Castro e o 90º aniversario do recoñecemento da Galiza como nación protagonizan o semanario que sae á venda este sábado, xunto ao xornal. Neste número tamén entrevistamos Mikel Burzako, do PNV, e viaxamos ás orixes do Galeusca.

O sorteo tivo un grande éxito xa que se recibiron un total de 759 respostas correctas, e a gañadora, a través do sorteo decorrido esta terza feira na redacción de 'Nós Diario', foi Digna Faraldo.

A Casa-Museo Manuel María en Outeiro de Rei (A Terra Chá) está de aniversario. Foi inaugurada o 7 de setembro de 2013 tras anos de duro traballo desde que xurdiu a idea de conservar e dar a coñecer todo o legado que deixou o escritor. Un dos principais artífices do proxecto foi Alberte Ansede Estraviz (Vilasantar, 1957). Amigo persoal da familia, é o actual presidente do Padroado da Fundación Manuel María de Estudos Galegos, cargo que ocupa desde o falecemento de Saleta Goi en 2022.

A cosmética está de moda. Os vídeos de skin care routines que enchen as redes sociais dan boa conta diso, unha tendencia que colide cunha sociedade cada vez máis concienciada co natural, co ecolóxico e co vegano, dándolle un pulo ás empresas de produtos cosméticos que teñen a sostibilidade na base do seu existir. 'Sermos Galiza' conversa con marcas cosméticas galegas en auxe, que demostran que vivir no e do rural, e lonxe do Eixo Atlántico, é posíbel.

A revista 'Can sen dono' e a cosmética galega tamén compoñen este número do semanario.

O chantadés Folión de Carros e a Guerrilla galega tamén compoñen este número do semanario.

Os once carteis do Estatuto de 1936 constitúen unhas das maiores creacións de imaxes de Galicia. Mais alá do atractivo inmediato da súa accesibilidade, a súa dobre identidade -teñen un aspecto artístico, estético, e son representativos das liberdades e principios cívicos tanto galegos como universais- é o que os fai hoxe tan valiosos tanto para o público xeral como para os especializados. Cada un dos carteis narra unha historia. Mais dispostos en conxunto, tal como se fixera en xuño de 1936, constituían unha formidable visión de infindas connotacións.

Alfonso Gómez Cruz, nado en 1960 na parroquia de Corme (Ponteceso, Bergantiños) é, desde o pasado mes de xuño, alcalde da cidade suíza de Xenebra. Neto dun mestre republicano que foi represaliado polo franquismo, criouse en Corme até os 14 anos, cando emigrou ao país helvético. De fortes ideas ecoloxistas, milita nos Verdes e defende a integración da emigración como a mellor forma de convivencia e progreso para a sociedade. En conversa con Nós Diario, recupera a súa traxectoria humana e política, ademais de dar a súa opinión sobre temas de actualidade como o debate enerxético, o auxe da extrema dereita ou as dificultades para acceder a unha vivenda nas grandes cidades.

A suma de elementos moi diferentes, en lugar de ruído, pode xerar harmonía. É preciso estudar atentamente os elementos que interveñen e buscar o xusto equilibrio entre as partes. Este recurso é habitual en arquitectura. O estudio coruñés Sinaldaba ten alcanzado resultados moi interesantes mesturando materiais e texturas moi distintos. 

Unha entrevista a Alfonso Gómez e o estudo de arquitectura Sinaldaba tamén fan parte deste 'Sermos'.

O proxecto é premiado pola Deputación da Coruña

Xerardo R. Roca é coautor xunto con Xoán Costa da revista de pasatempos en galego e portugués á venda este mes de agosto: 'A formiga no carreiro'.

O semanario 'Sermos Galiza', á venda durante toda a fin de semana xunto ao xornal 'Nós Diario' por 3,20 euros, vén cargado de novidades.

As persoas subscritoras de 'Nós Diario' recibiron o Día da Patria Galega unha revista ben especial: 'A formiga no carreiro', unha publicación de pasatempos en galego que se pode comprar durante todo o mes de agosto nos quioscos. Xoán Costa, coautor e presidente de Sermos Galiza S.A. explica os contidos

A malla e as embarcacións tradicionais tamén se analizan neste número do semanario.

O semanario deste sábado céntrase na variedade da lingua galega que se fala neste territorio de Estremadura.

A formiga no carreiro estará dispoñíbel durante todo o mes de agosto por un prezo de 1,40 euros.

Maruja Mallo foi unha persoa intelixente e extremadamente libre, unha pioneira orixinal e transgresora e unha recoñecida artista de vangarda. Membro da Generación del 27, acuñou o termo Sinsombrero que hoxe usamos para referirnos a ese grupo de mulleres intelectuais que, a comezos do XX, souberon romper as normas e vivir doutra maneira. Neste artigo tentaremos demostrar que, ademais, foi unha muller loitadora e solidaria; especialmente sensible ante o sufrimento da clase traballadora e das mulleres.

Devolverlle ao pobo pezas esquecidas, como o Chorei, chorei. Fomentar o respecto e a sensibilidade pola tradición musical galega e, en xeral, pola diversidade cultural. Difundir e actualizar o patrimonio oral galego. Reivindicar o papel da muller na música, e en especial da pandeireteira. As Leilía conseguiron todo isto, e máis, nos seus 34 anos de andaina. Agora despídense cunha mochila cargada de experiencias en concertos nos que, aseguran, segue a pasar: sempre hai algo que as emociona. Cóntannolo Ana e Rosario nesta entrevista. 

Artesanía e industria precísanse e a arquitectura é a demostración. Ao rehabilitar un edificio, por exemplo, é imprescindíbel buscar o punto de encontro entre adaptarse ás imperfeccións da realidade e facer uso da tecnoloxía moderna. As mans expertas fan posíbel conciliar os dous mundos. O estudio de arquitectura MOL combina o traballo dos artesáns, manual, coas últimas innovacións tecnolóxicas en materiais.